移民，放棄了自己主場之地，去到陌生嘅地方，怎會生活得更好，除非你原居地身處戰火，或者窮到燶，否則生活質素只會下降，不會上升。
這些慳錢大法，一點也沒誇張，只不過全家屎尿儲埋一齊才沖就誇張了，著多點衫，開少點暖氣，倒是真的。
這地方，稅又高，又搵唔到錢，確實需要咁樣調節，但這只不過反映一部分人嘅生活，我告訴你有的家庭去歐洲都唔知去了幾多次，問題係你有冇搵錢能力？有沒有安全感去使錢？股票賺到錢，我都跟人縱橫自駕遊，遊覽多個城巿，再上郵輪，遊覽法國、西班牙…
經濟拮据，甚麼野都要縮，咪窮遊格拉斯哥，做人係要能屈能伸，去到邊度都要咁樣㗎啦！
至於係咪要返HK，「來都來了」，咪涯埋永居、入藉先算，再者，有子女嘅家庭，子女早已適應這裡嘅教育，根本冇得返轉頭，要走都係去馬來西亞讀國際學校。
子女永遠都係兩刃刀，有子女可以話係負累，但有子女永遠都係最堅持嗰班，有考取專業資格搵到食又有，有超巿一份工，兼職再上門剪頭髮，最仆街係我呢啲無業遊民，又冇「高高哥」咁蠱惑，又冇「小魚爸」咁職稅務，搞到一鑊粥，股巿一波動，Chok一Chok，我都瀨嘢！稅務問題，再瀨多次野，免稅戶口ISA蝕20萬，IBUK蝕兩球，連買樓能力都失去，咁又如何？我都試過重出江湖，炒得股都預咗三更貧五更富。
你話衰，都係咁樣生活，買唔到樓，咪租樓囉，唔通去Wetherspoon食野都要左計又計咩！
沒有留言:
張貼留言