移英日記（388）一日走三場

 今日有三場：

早上：兒子去JUDO班

中午：去同學生日會

晚上：弟兄姊妹食飯

我都唔想咁忙，但人在江湖，身不由己。JUDO班係regular，生日會一早定了，佢同學更是孖生兄妹，要買兩份禮物，蝕水！講笑！最緊要開心。弟兄姊妹更是就無可就，唔係個個好似我咁無業流氓，人人都努力工作，有的夫婦一齊工作才圍到皮，高稅、高通脹，生活係不容易。

駕車至Fountain Park約25分鐘。

在惠顧商戶輸入車牌，即可免費泊車四小時。我會影相記錄，你知「嬰國人」做野幾失魂，小心為上。

生日會，小朋友十分開心，Gravity有彈床玩，充足放電。

「嬰國」最近濕滯嘢多，政府冇錢，向有少少錢嘅人都唔放過，ISA免稅投資戶口嘅現金收息都要抽稅，錢唔係問題，但計稅麻煩，免稅戶口都唔係免稅，真係世界變，佢開了先例，日後持有股票嘅股息又要抽稅，又可以限制免稅份額。佢咁玩法，我會重新檢視入藉後會否留在這裡，一方面話冇錢，一方面繼續收留非法難民，下屆大選必係「改格黨」得勝了。

跟住去海洋總站Ocean terminal，去了老陳，希望唔會做老襯。

價錢平絕愛丁堡，重拾HK嘅味道。

即炒係即炒，價錢貴點，預製放在湯池，咪即係快餐，價錢已反映，做過飲食業，明㗎啦！