移英日記（154）：移民只不過選冇咁爛嘅橙

 如果兩個都係爛橙，你只有選冇咁爛嗰個。

（唔係所有country都可惡攪領袖。）

「我們知道，我們是屬神的，全世界都臥在那惡者手下。」（聖經約翰一書5:19）

聖經清楚說明，全世界都臥在魔鬼撒旦之下，換言之，無論你走到那裡，都在撒旦嘅邪惡勢力之下，不會有分別。

「不寒」冇自由、吃不飽，自然係慘。但「難寒」有自由、又吃飽，咁好嘅地方，為何在已發展地區自殺率世界第一，撒旦要你死，除了要你窮、冇自由。又富有、又文明，人一樣唔開心要尋死。

漁村情況轉差，但大不列顛也好不了幾多，算不上一個天一個地。漁村最低工資加1.8元，慘過乞兒，比不上寶島，但只要你不是最低層，在「愛國者」治港下，只要你不尷尬，厚著面皮，語言偽術高超，仲可以升官發財，物質生活仲提升了不少。

（四叔比不上誠哥咁醒，中環仲有咁多貨，仲係摸頂入貨。）

移民大不列顛，如果你嘅「歪芺」識煮野，這裡有好食材，廚房又夠大，可以複製漁村所有美食，但關鍵係個廚得唔得？

（大不列顛可複製漁村一切美食。）

我就冇咁好福分，不過瞄緊下面呢兩條友嘅股票，總算有點斬獲，星期六個仔放假去完足球訓練去吃自助餐吧！

IB投資系列：商業世界是互利，唔一定道德

 孔子有個弟子叫端木賜，字子貢，是出色嘅商人。吳王夫差打算出兵伐齊爭霸，端木賜立刻到各地採購絲綿，運往吳國販賣，賺了大錢，因為他知道軍隊一定徵調民間絲綿禦寒。商人係賺大錢，但亦因為「及時雨」，吳國人有絲綿禦寒，沒有全部凍死。這就是「互惠互利」嘅關係。

買賣嘅事好像唔道德，不過細心想想，如果人人都做互利嘅事，損人利己、損人不利己嘅事一概不做，這個世界已經好很多了。

天朝可借馬斯克做宣傳，馬斯克可實踐自動駕駛賺錢，是互惠互利。在商業世界，只有單方面得益是不可能成事。咁樣係咪益咗天朝？餓死天朝就可造福全世界？制裁對「不寒」嘅甘仔毫無影響，但不寒人卻餓死，係好值得深思。

如果要講道德，根本就不存在，就好像環保減塑、環保徵費只不過掠水，紙餐具就唔使砍伐樹木麼？我地英國有紙包飲品用紙飲管但用透明膠包住，減碳就係要找個理由要你俾更多能源費，太陽能發電板一生所減嘅碳，都比唔上生產時所產生嘅碳，只不過生產這些國家用煤炭發電，唔關自己國家事…全世界嘅人都反智，被人洗腦，沒有獨立思考能力，地球溫度上升，二氧化碳才上升，這個因果關係都未攪清。

（如果係愛地球又環保，唔會做呢啲嘢！）

（環保生態鏈，全部都係為掠水，地球滅亡都唔關佢地事，只不過要一個冠冕堂皇嘅理由cap水。）

投資要賺錢都唔容易，如果要考慮埋道德，就更加困難，以我哋這個level人類，根本看不清，否則在末世嘅時候，人們就唔會將「敵基督」視為救世主了！

（這個世界真係有環保麼？唔好咁天真喇，一切都係為咗賺錢，背後利益關係千絲萬縷，唔係捧到你上神枱有何益處？）

（真正環保嘅人，好像林超英、周兆祥，咁嘅生活，想肥也難。要有咁嘅身型，要食幾多垃圾食物，步行次數幾少，碳排放幾多，才可以做到。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

詠春當作強身健體就好了，唔好以為真係打得

 以前神鵰俠侶，楊過獨臂都咁勁…

現實世界都有…

如果少了一隻手臂都咁好打，咁你學甚麼功夫有甚麼關係呢？只要該訓練跟搏擊有關係，實力便能反映。反之，倘若訓練跟現實差距太大，黐手日黐夜黐，即使講到天花龍鳳都冇用。

太極得唔得？我認知有限，唔敢講，跟國術差不多，不過如果我發咗達要請保鏢，冇學過泰拳、拳擊、巴柔，都唔使interview，國術一概不請。

（有些富豪因自己所學武術，也請番相關武術嘅保鏢，我就唔會請詠春保鏢，因我太清楚這門是甚麼東西。）

今日嘅詠春，已經廢到唔廢，仲留番幾招，你叫啲師傅去死好過，唔死都冇用。君子愛財，取之有道，唔好做埋啲陰騭嘢，害人害己，有許多入世未深，以為學番幾招，可以防身，保護自己及身邊嘅人，見義勇為，點知俾人打到仆街。

（所謂「大師」，只要不跟佢嘅法度或慣常訓練方法，就唔識打，這是90%放在黐手訓練嘅惡果。）

詠春以至國術都係騙局，但受騙嘅人都不接受

 好似我這些儍仔，自少受功夫片洗腦，受武俠小說洗腦，受格鬥動畫洗腦，雖然知道很多功夫是虛假，但心底裡仍覺得這地嘅功夫係無敵，有一種神奇嘅魔力吸引你去學，即使經常碰壁，也推說嗰啲師傅冇料，仍然希望學有所成。

就是看到武林至尊大戰泰拳，許多人都未醒。

（對搏擊有基本認知，都知道邊個有料？播求唔做戲冇命走。）

看到不住不住功夫師傅翻車事件，許多人仍未醒。

（其實大部分師傅下場，都是一樣。）

看到這裡，大家都明，肯唔肯醒是另一回事。

傳統武術靠嘅是傳統智慧與經驗，現代搏擊靠嘅是運動科學訓練及透過擂台，不住實踐。好明顯高下立見。甚麼是帶氧運動？無氧運動？一個動作要用甚麼肌肉？怎樣訓練？清清楚楚，點解仲要留戀那些空中樓閣、不切實際嘅功夫世界？

傳統武術，師傅永遠留番幾招，唔到油盡燈枯，都唔肯講，即使肯講，也沒有充足體力及精神傳授，不出幾代，已經廢了武功。有的則講到明要錢，唔科足水，不教你堅野。

我曾經識一位師兄，跟某位大師已學了八九成，都唔係足料，上表面班係學表面野，一定要科水學特別班，入特別班都唔係即刻教你堅野（事後才知），仲要拖延，遲到早走，以前搵到錢，又一心求學，科幾多水也在所不惜！後來仲做埋助教，幫師傅搵錢。後來發生不公平事件，有些識外語、高學歷人士加入，佢地武學潛質並非最好，但大師卻傾囊相授、委以重任，因為佢地可以擴展海外巿場，當然佢地並沒有花咁長時間、科咁多水，心都淡埋了…。（如有雷同，實屬巧合）

師傅就cap水、cap水、cap水…

徒弟就科水、科水、科水…

咁樣嘅利益關係可以學到真功夫嗎？

（點解我地唔能夠用理性判斷做事，因為被洗腦，政治如是、商業世界如是。）

詠春咁攪法，冇得玩㗎啦！

 在大自然界，有三個條件決定生存：

一、速度

二、力量

三、耐力

獵豹有絕對嘅速度，可以促到羚羊，但獲得獵物後，很容易被其他大型動物搶去。

獅子有絕對嘅力量，但靠力量搶獵豹、鬆狗的成果，或吃腐肉，多於自己狩獵而得，因跑不遠、也不夠快。

人類又冇速度，又冇力量，是否一無事處？非也，人類嘅長處是耐力，野外嘅非洲人跑一二千米是平常事，因此冇一種動物頂得住。

咁搏擊呢？總離不開這法則。詠春以單單拳速計，也是快的，然而這些「飛機拳」係冇作用，好明顯力量及耐力不足，很快便短時間敗陣。

詠春練黐手佔訓練90%，由於大家都係放鬆咁練，掂到就當打到，係練到橋手反應，但攻擊力卻冇練過，除非佢自己有勁練壁包、吊包，再加上跑步、遊水練氣，再加自由搏擊訓練，否則都係自欺欺人。不過我多年走場所見，壁包、吊包都係裝飾，木人樁未夠年資係唔準掂，只不過有時學員出現單數，冇得黐手，就打兩野壁包，或打兩下樁。

點解練拳重，從來不是詠春門人看重？因為黐手要手鬆才有意思，避免手緊，係一個原因，二則要練重拳，要下苦功，打壁包，皮都甩，唔係講笑，但即使攻擊力上升，這種功力對黐手競技毫無幫助，黐手又威唔到，冇推動力，師兄們都唔敢練太多，久而久之，黐手叻就以為打架叻。

搏擊有1/3練體能、1/3練拳腳、1/3練自由搏擊，以每日鍛鍊時間去決定屬於甚麼level，放工練兩野，屬於興趣班，上過擂台，為大戰經過嚴格訓練，屬業餘拳手，全時間訓練，以打拳為職業，屬職業拳手。明白這個分野，就無謂越級挑戰，自暴其短。

如果某些功夫，興趣班級對興趣班級，都打唔贏，咁代表乜？即係該樣功夫好廢，學都無謂！除非這些功夫發明了一種毒物，只要一掂，就等同一拳的傷害及痛楚，以這門功夫的訓練，掂到就當打到，一定提升這門功夫嘅戰勝率。又或者啲師傅良心發現，帶徒弟一起操體能，攞拳靶揋招，攪到佢晚晚搽活絡油，跟住鼓勵徒弟參加拳賽，日日幫佢地加操，提升佢地戰鬥力…發夢吧！今晚早啲唞！教得詠春只有一個目的：賺錢，要佢做得咁辛苦，不如做地盤好過！

（大家都係做戲，詠春係咁嘅條件，仲打得麼？只不過做戲都要做足啲，臨時演員都係演員，擘晒馬，好難睇！二字箝羊馬係咁嘅咩？如果你爭辯宗師版本都係咁上下，OK無問題，你申報自己末期癌症，命不久已，體力有限，我接受。）

IB投資系列：冇一個商業王朝可以永遠長存

 可能我是悲觀嘅投資者，但回望歷史，沒有一個商業王朝可以永遠長存，諾基亞、柯達、Palm…所以豐田章男不肯全力發展電車時，我已預言佢會在神壇掉下來，當然我係估錯了，但我嘅悲觀唔係冇道理。

以前有一家時裝品牌：思捷Esprit，一時無倆，其股價最高達123.5元，巿值1715億元，是當時唯一時裝及零售嘅藍籌股（痕指成份股）。

今日只值0.192元，巿值5.4億，跌了超過99%。

窮途末路時裝店，沒有甚麼好講，但傳奇老闆刑李㷧卻是值得我們學習，如果一間自己有份創立嘅公司，怎也有一定感情，普通人一定由123.5元持到現在0.192元，但刑李源卻在高位不住減持，即使今日隻股票唔掂，對佢絲毫不受影響，仍然是漁村富豪。

做大事嘅人，除了有大志，也要絕情絕義。項羽武功超凡，點解會敗？因為婦人之仁，鴻門宴不殺劉邦。韓信打扙最叻，點解會敗？因為重情重義，一飯之恩，千金以報，就是不肯作反，做齊王、楚王，有兵有將唔反，貶到淮陰侯，冇兵冇將，知道唔對路才反，失敗係理所當然。

我地做投資，千萬不要跟股票談戀愛，知道佢唔掂嘅時候就要沽，唔理你揸咗幾耐，就是漁村股票，我也分兩次清袋，先沽地產股，後沽其他。

我唔想講得咁難聽，不過想大家容易理解，有種關係叫「炮友」（互惠互利、各取所需），有種關係叫「馮盈盈」（備胎），股票是建基在這種關係，沒有一生一世，你明白就保你一世平安。

（對待感情係應該認真，畢竟女性花樣年華嘅時間很短，但股票就千萬不能這樣，要隨時抱住「壯士斷臂」的心態。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：人棄我取，講股應否投資？

 讀歷史都明白這道理…

雖然字眼上有少少分別，但意思一樣。其實我地都明白股票之道在乎：「人棄我取、人取我棄」，咁點解我地要爭呢？靚女又要爭，明知爭嘅結果是邊際利潤去到零才冇人爭，到時人、財兩失又何必呢？Nvidia升到974美元嘅人，點樣走貨呢？

正所謂：「亢龍有悔，盈不可久也」，事物的盡頭，定必歸回自己嘅反面，物極必反。美股好咗咁耐，自然會衰，咁某些地方衰咗咁耐，會不會變好？各國撤資，你去執平貨？

我以前曾投資過某天朝保險公司，佢今日個價比起我當日買嘅價仲低，價錢係平，但佢嘅前景係點呢？從佢嘅股價已可反映一切，根本買唔落手？

人棄我取，並不是人們棄掉垃圾，你都要執，而是巿場價格比實質價值被嚴重低估情況下，才值得大手掃貨。某些地方，樓房跌、股票跌、人工跌、失業升、國債升、地方債升，但經濟增長有5%，你信咪大手掃貨囉！你信「痕指」三萬點、四萬點，你咪入巿囉！漁村沒有以前嘅核心價值，淪為天朝城巿，估價仲會好似以前咁值租嗎？醒下喇！

（商家佬唔會死錯人，人地早幾年已經部署撒資，正是天朝如日方中嘅時候。當然，唔係個個商家佬都咁醒。）

（巿況咁好，吉鋪連連。）

（資金去晒新加坡。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（153）與講人食早餐

 由於架豐田Yaris有Apple Carplay，一插入電話，就可用車嘅喇叭及咪，用聲音傳whatsapp信息之類，個仔放學點都要玩，成日講「屎屎尿尿」，部機就會重複咁講，覺得很過癮，點知誤傳俾人，攪到我要致歉，但因為這致歉，打開了話題，原來是移英講人留了電話，但一直無聯絡，於是約了今日跟「歪芺」一齊去英國大眾食堂Wetherspoon食早餐。

一傾之下，原來以前住「羞街」（South Gyle）曾幫一個駕本田Jass的年青人，正是她的兒子，現在已往倫敦工作，原來世界就係咁細，佢話我嗰仔可能係資優，以前佢個仔都係咁，特別難教，直至上大學才甩身，要俾多啲機會俾佢發展及學習，小朋友平凡是福，不平凡也有不平凡嘅路。

我嘅兒子係咪資優，我就唔敢說，但現在已醒目咗，認得車嘅牌子及部分型號，Audi TT佢都認到嘅…

佢話本地嘅人，到了大學，就要佢自己獨立，自己找兼職幫補自己嘅生活，所以子女讀完中學，父母便甩身，仲有十幾年時間，好好珍惜吧！

IB投資系列：特斯拉盤後回升，是否迴光反照？

 當蠟燭臨熄的一刻，人死前的一刻，都會特別生猛，這個短暫轉好嘅現象稱之為：「迴光反照」，特斯拉盤後上升，會否是迴光反照？反映死前嘅一刻？

事緣今季成績急轉直下，股價唔跌才奇？至於機器人的士，要成功真係唔容易，遠水不能救近火，股價自然急跌。

直至特斯拉確認平價細車計劃將加速進行，回應巿場嘅需要，25000美元（19萬5千港元），跟電油車一樣，有相當競爭力。又暫緩印度及墨西哥新廠計劃，專注現時生產線調整，用現有資源去做，對於投資者而言，是絕對收貨，股價自然回穩。

（大行紛紛下調目標價，要小心留意。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（152）人生係一個選擇

 如果有愛情同麵包，你會怎決擇？

可能你也會選擇眼前利益，就算孤獨終老也無所謂。

選擇愛情又不一定可白頭到老。

在人生的決擇上，你永遠唔知結果，只能憑當下嘅條件去判斷、評估，作出決擇。

九七年前移民嘅人，好明顯是走錯咗，明明去了高位，又辭職又賣樓，幾年之後回流，即使做番本行，要叫以前手下做上司，要買番層樓，已經貴了許多，買唔起，要俾貴租，咁樣走一走，唔見一大筆、又降級，都唔知為乜？

六七走嘅人，八九走嘅人，九七走嘅人，全部放棄漁村嘅黃金時代，損失係難以估計，當中不乏有些人要做「太空人」，聚少離多，離婚也不少，都唔知為乜？

現時漁村處境比天朝還差，人們為了示忠、或自保，一定寧左勿右、寧濫莫缺…比天朝更甚，唔夠左都俾人批鬥，係咁嘅環境點會有運行。

究竟幾時會苦盡甘來？物極必反？當去到最壞嘅時候就會扭轉乾坤？最壞嘅情況是否已經過去？自己判斷下吧！

我地投資都要識走位，如果做人唔識走位，點會有運行，永遠有危便有機，你自己問問自己，係咪嗰啲可以上位嘅人，講得出睇完今上本書，全身任督二脈打通咗嘅，就留低吧！大把運行！

（正所謂：「識時務者為俊傑」，學野喇！）

（東瀛人不識好歹，醜化今上。）

（漁村在六七十年代，已經超越自稱有制度優勢嘅天朝，十分尷尬！可惜這個光輝唔係永恆！）

（已有人提出取消漁村嘅外交特權。）

IB投資系列：投資在正確啲事最終都會贏

 人嘅一生總會做錯事，信錯人…

如果買車股，你信豐田章男？還是伊隆馬斯克？

在電車興旺嘅時候，一定係信馬斯克，攻擊豐田章男沒有全力發展電車，但這一刻？正所謂：「路遙知馬力」，揸豐田股票，一定笑呵呵！揸特斯拉股票，一定愁過李莫愁。投資在正確的事，或有短期波動，但最終一定贏錢。

企業領袖的每個決定，都有長遠影響，當日豐田章男沒有全力發展電車，可能是正確。今日馬斯克也面對同樣決擇，發展廉價電車？還是機器人的士？如果要廉價，可以平成點？馬斯克可以用成本價賣車，靠軟件及服務賺錢，但先決條件是自動駕駛已經成功，一日未成功，成本價這一招就根本不可能使出，要平？Model2一定唔夠比亞廸平。

要推機器人的士，首先要自動駕駛已經成功，然後才可用於商業。咁即係一次要行到兩步，絕對不容易。就好像當日SpaceX，明白燃料只佔發射成本極少比例，只要火箭可以回收重用，一定賺大錢，但難度之高，令馬斯克差不多破產，但最後成功。今日獵鷹九號火箭發射費5400萬美元，燃料20萬美元，只佔0.37%，天朝嘅火箭都鬥不了（要6000萬美元射一次）。同樣道理，這個商業模式成功，真係可以「號令天下，莫敢不從」，自動駕駛何止發展機器人的士，機器人貨車、貨櫃車…甚至可以取代晒全球所有司機，估值係無法估計。不過要成功，難度也是無法估計。

（荒舟基金「木頭姐」認為值2000元（現時股價140元），係誇咗少少，因為佢揸咗好多貨。其實投資特斯拉，好似賭大細，賭佢成唔成功，往積不能計算成功率，人亦唔會一世行運，自己執生！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（151）好地方冇人識欣賞

 股票之道在乎：「人棄我取、人取我棄」，唔好同人爭，爭係無意思。如果啲女咁受歡迎，就隨人地去追，吊高黎賣，代價太大，追到都冇意思，在經濟學解釋，佢嘅邊際價值跌至零才冇人追。移民也是一樣，熱門城巿，搶學位、搶住屋，我都怕怕。

倫敦、曼徹斯特係意料之內，因為有直航機由漁村直達，有錢住倫敦，冇錢住曼城，令我意外嘅是，我嘅居住地愛丁堡竟然不入十大，住屋價格僅次於倫敦，又偏北，怕天氣凍也是講人所懼怕。

移居蘇格蘭講人只有二千多人，基督徒只有二百多人，由於人數少，未對整個社區有很大影響，唔似曼城碰口碰面都係鄉講人，對適應新地方係冇咁好，少了一點安全感。但係太多移民，對當地影響較大，亦會令本地人唔喜歡。

少鄉講人，反而好原汁原味反映整個社會係點，蘇格蘭人對自身民族有高度自豪，故外人要融入反而困難，除非我地嘅下一代，就可以做當地人的工作，低下工作全部都是外來人擔任，去麥當勞就好容易見到南亞人送外賣，我做執房，都是波蘭人、烏克蘭人為主，仲有一個巴基斯坦，一個菲律賓，連埋我這個鄉講人（人地覺得是天朝人），簡直就是聯合國一樣。愛丁堡外人多，見怪不怪，就不覺得歧視，英語唔好或聽唔到口音，用你有限英語跟動作表達到就可以。

買冷門賠率先高，有肉食，這裡我真係未聽過講人子女冇學位，免費由Nursery讀到University，仲想點？細路大咗，佢鍾意去邊咪去邊囉！蘇格蘭有好多好地方，風光無限，傳聞有水怪嘅尼斯湖，要揸三個幾鐘頭車（來回七小時），未見水怪已驚，未敢挑戰。

（有專家認為水怪只不過是大型鰻魚。）

（真係太遠了。）

IB投資系列：美股下跌要小心

 上星期美股嚴重調整…

主要係納指勁跌，除了某電車外，晶片尤其是重災區，究竟是健康嘅回調？還是急跌？實在難以知道。美帝調控息率只考慮通脹因素，不會因股票跌得勁就減息幫下你，所以當俄烏戰爭、以伊交惡等不穩因素，歐美為保護自家工業，一定不容許產能過剩的天朝傾銷，咁通脹情況一定惡化，輕則不減息至九月或年尾，重則更要加息的可能。

對息率敏感嘅科技股，更是雪上加霜，靠AI概念已炒上嘅晶片股固然要回調，係戰爭及息率陰霾下，標普500指數也下跌。

投資最緊要唔好讓自己輸錢，早早設定好價位平倉便算，攞番啲美元，一係閒置美元放IB收4.83%，隨時再搏殺。一係買短期美國國債，賺住5厘息等觀望。一係在價位好兌換非美貨幣，睇淡後巿及美元，視乎你想繼續搏殺？觀望？退巿？

以前股票升、債券跌，股票跌、債劵升，自從經歷股債齊跌，唔見兩球以後，我知股債沒有必然的關係，債券是睇息率，如果通脹不改善，減息空間無望，要升嘅可能便更困難，要落駐就不容易了！

（AI應用日多，對個人電腦需求有潛在增長，以前電腦一哥Intel竟不爭氣，AMD早已迎頭而上，更與聯想合作，蘇姿豐好嘢！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（150）冇理念冇必要移民受苦

 有移民加拿大的講人，又搵唔到野做，又要應付語言不通（唔係個個英文咁好）、文化衝突，仲有LGBT、毒品注射屋…講句唔好聽，仲衰過「鄉講」，紛紛有回流嘅掙扎。

我都講過世界無童話，烏托邦根本是不存在，你決定是否移民，只是將移民利弊羅列出來，好嘅因素較多就走，壞嘅因素較多就留。如果已經移民才覺得有掙扎，只不過當初走得太急，沒有想清楚、了解清楚，當現實不似預期，便會失望。

大不列顛冬天日短夜長，經常天陰陰，容易有抑鬱，冇車邊度都唔使去，星期日鋪頭關門，悶到你抽筋，稅又高，通脹嚴重…

言論自由對你係咪咁重要？對不平嘅事，不平則鳴，唔講唔得先…

投票對你係咪咁重要？你有投票權嘅時候，有冇投過票？邊個話事，你真的care…

子女教育你係咪覺得重要？你有冇曾了解過芬蘭教育或者其他…

如果三者你都唔介意，你根本不必移民。亦冇必要因移民受不必要的苦。

教師變教學助理，護士變執屎阿姐，高管變低級工人，博士變整餅佬，我地鄉講人比英國佬差嗎？佢地做野慢、效率低、甩漏多…好多鄉講人都係精英中嘅精英，點解要紆尊降貴？如果你心中冇理念，係冇必要黎！受不必要嘅苦！

正所謂：「善有善報，惡有惡報，若然未報，時晨未到」有些人做了壞事，唔係仲咁天真以為天堂仲留了位俾佢地！鄉講人全球最長命，男性80.7歲，女性86.8歲，天朝人77.3歲。人終歸要一死，面對審判，咪放長雙眼睇佢風光得幾耐？沒有必要移民受苦。

（古有太平天國楊秀清假借上帝下凡，今有某政客得到感召，上帝叫佢參選，屬真屬假，只有上帝同佢先知。）

（信耶穌，不代表完美，只不過蒙恩嘅罪人，但都唔好做得太離譜。）

（我地只不過無權無勢嘅草民，係唔會明白權力嘅滋味，如果一朝得勢，可以同佢地一樣咁衰，或者仲衰過佢地，也說不定。）