直線比斜線快，詠春門人都很清楚，並以此認為取勝的靈丹妙藥。
不過直線理論有一個假設，大家可能忽略，是假設雙方的水準、質量是一樣或者差不多，才能成立。如果我駕駛Honda思域行直線，另一人駕Tesla Model3行斜線，鬥快去終點。最終直線也不可能贏，因為電車加速力及扭力，非同小可，電油車拍馬都追唔上。
搏擊也是一樣，職業拳手跟職業拳手才有得打，業餘拳手跟業餘拳手才有得打，天朝有不少功夫大師，夜郎自大，妄想挑戰業餘拳手，莫說這些功夫大師不過空心老官，自己呃自己，就算真係有料，也要時刻保持最佳狀態，不住訓練，攻克己心，才有機會。再者去到這個年紀，不可能像擂台搏鬥，只能贏功架、贏經驗、贏技術、贏點數，技服對方，如果人家唔要命咁攻，也難全身而退。
在愛丁堡hay market有不少酒吧，我見到有兩個黑人左望望右望望，知道是「睇場」（保安），身型不算高大，跟我們差不多，但老闆竟相信他們能鎮得住高大的白人酒鬼攪事，「漁村」的睇場，多是退役泰拳拳手，個個都堅抽，國術咁廢當然唔會請，這裡的睇場，可能也有拳擊或巴柔背景，加上黑人就算不訓練，其肌力及爆炸力也比白種人、黃種人強，絕對鎮得住個場。
作為最弱的黃種人，又非職業拳手、業餘拳手，憑甚麼打？真係以為在武館打下牙較、吹下水、黐兩下手，就可以？雖然我地唔係天才，也非智障，都知道是不可能，怎也要強化自身的條件，才有機會去搏，最基本是帶氧運動及肌力訓練，師傅要迫徒弟打沙包，就不會出現冇力、黐手掂到當打到的「飛機拳」，引靶練習，打到冇氣為止，跟住再戴拳套自由搏擊，咁概訓練就似樣，真係出到真正的詠春拳手。
沒有留言:
張貼留言