移英日記（97）反思究竟發生甚麼事

 黎了大不列顛UK差不多一年，由「羞街」South Gyle搬到「鑼街」North Gyle，由無業遊民到打份牛工，跟東歐人（尤其是烏克蘭人）爭飯食…真的要反思發生了甚麼事？

事緣是我們生活的地方「漁村」出現了一些事情，「天朝」的統治者不再容忍反對的聲音，不住加強對漁村的管治，最終引發一系列反對運動，後來不知何故黎了所謂「世紀病毒」，好像被形容為絕症一樣，government借勢監控大型集會，但病毒事實係點？至今也冇人知，只知全世界都不容許其他聲音存在，一致要你接受「液苗」，負面消息盡量減少報導…

（其他意見，不容於媒體。）

（陰謀論更不用說。）

（負面消息，不容傳遞。）

以往醫藥要經過嚴謹的程序，突然全球開綠燈，全球向藥廠買單，藥廠突然發達，財富大轉移。「天朝」全面封控，民窮財盡，「漁村」也蕭條，攪咗咁多事，「冇汗」實驗室唔洗負責，生產「液苗」的藥廠唔洗負責，全球配合這場自編、自導、自演這場大龍鳳的government唔洗負責，死咁多人（主要是老弱），經濟損失咁大，竟然冇人負責，更神奇是大家好像失憶，忘記這件事。

我記得我是戴著口罩上機，然後在蘇格蘭，就不必戴口罩，真正感受自由的空氣，那時漁村仍有「口罩令」，成了強烈對比。這裡真正容許反對聲音，英王查理斯到愛丁堡，反帝制示威同步上演，如果同樣事情在天朝發生，結果會點呢？

這裡稅率高，對想賺多些錢的人冇著數，有些中產，明明可以賺更多錢，但寧願只返三日工，賺少一點，因為一過稅階，就由20%，升至40%、45%，做多冇著數。我以前認為佢地lazy，實情是制度使然。佢哋亦不儲蓄，薪金除了扣稅Tax、國民保險NI，仲有Pension，Pension儲夠十年，有退休金。我最討厭這些Pension，一則我未必工作十年，等於白供，二則自己投資更有回報及效率。

講真搵錢少，分別不大，「漁村」低稅，只不過靠高地價賣地，傾斜地產霸權，以前收入大部分供樓或租樓，咪即係另類稅，要自行買保險，咪即係NI，唔識投資買儲錢基金或供「強迫金」，咪即係Pension。只不過漁村大部分係選擇性，英國係全部都硬食，我以前漁村有個同事有幸上了公屋，唔買保險唔儲蓄，講到明退休攞綜緩靠政府，講到明賴皮，但這招仲可以玩幾耐冇人知。

以前出街食多，自家廚食少，現在相反，想食好野係辛苦一點，但也健康一點。牛扒、牛奶全部很平，如果識煮野食，真係一流。

（喇沙都可以食到，只要你肯做。）

以前，錢七也養不起，泊位都三千，仲未計時租，食咗去好過。這裡普遍超巿、購物中心露天車位全免，屋宛一定有車位，冇概路邊冇劃線都可免費泊，駕車購物、飲茶、返教會、探朋友也很方便，去Portobello某弟兄家，駕車行高速公路，70英里（112公里），等於行北大嶼山公路110公里，由西至東，半小時就到。只不過巿中心，車位難求及要俾錢。

我覺得兩地生活差不多，英國交通不便，但駕車就能解決，英國出街食飯貴，但食材平自己煮就能解決，英國稅率高，但細路幼兒院讀到大學免費（只限蘇格蘭），睇醫生免費，入院免費，藥費包埋（只限蘇格蘭），仲想點？但人身自由及言論自由，有錢都買唔到，許多口水佬暢所欲言（趙博、老徐、陶傑、太后…），可憐漁村人留言也不敢，怕與移英叛徒扯上關係，冠以勾結外國勢力的罪名。