大不列顛Nursery

 究竟係咪外國的月光較明亮？只有親歷其境的人才知道。

以前小兒在漁村讀「勝俾德」，都算是好的幼稚園，但活動範圍不離校園，每星期有功課，迫家長代做，因為他們實際沒有能力…

現在小兒在大不列顛Nursery，冇課程、冇功課，佢地按兒童的興趣，自由在校內遊玩，小兒幾次在校內用鎚、釘，製作的勞作，你就知老師有幾放膽俾兒童去嘗試，去尋覓自己的路向。

以前漁村成日話「贏在起跑線」，後來更有人提出「贏在射精時」，你就知許多人已經走火入魔，即使你唔想迫自己仔女，在這個環境下，家長都會變質，甚至變態，因為你唔迫仔女，學校很快出信或見家長，如果係頂級學校，再冇改善一定迫令退學，甚麼「有教無類，因才施教」，唔好意思，吾未聞之！

以短時間計，漁村的小童，認字、寫字，一定超英趕美，因為大不列顛根本不會讓年幾太少的兒童寫字認字，只會讓他們去玩，在自然環境探索及學習，小食就吃克力架及水果，講真克力架我地漁村人都唔會食，又硬又難食，不過原來難食的餅乾，副加劑較少，較有益，而且咬合力與我們講說話有關係，神造人係要人去經歷才會成長，至於大腦的成長係跟大肌肉的運動有關，太早坐定定對兒童冇幫助。

以下是小兒的Nursery的戶外活動：

（小兒馬步都幾穩，唔怕俾人蝦！功夫係先睇馬步，其次才是拳腳功夫。）

（小兒年幾較大，好像做了哥哥的角色。）

（這次老師的任務係去Iceland買食物。）

（找到目標。）

（跟住俾錢。）

（交到貨俾老師。）

子女去大不列顛，預了要每年用9250鎊大學學費，不過蘇格蘭卻是免費，另外每年可按家庭經濟狀況申請助學金，每年最多2000鎊，不必償還。條件是取得永居及入學前三年要以蘇格蘭為常居地。小兒免費由Nursery讀到University（如果生性的話），咁仲有甚麼可質疑的地方？有更好的地方嗎？