大不列顛買新車、舊車的反思

 我架本田思域錢七攪了大半個月，終於整好，價錢如下：

本來離合器（Clutch)的更換只需四百幾鎊，後來個飛輪（Flywheel)又唔得，總計559.95鎊。

個飛輪，我拿了工場去打磨，用了57.6鎊。整車佬要黎多次拆飛輪及還原架車，又話遠要收我60鎊油錢，我一個月都用唔到60鎊油錢，我當功夫錢算，之後又發現有其他小問題要維修，要45鎊，Total合共722.55鎊，以1英鎊兌9.5港元計，6864港元。

如果買新車比較，偽英國車MG（因被天朝收購）一定比不上本田，但一架全新MG，一定比舊本田好。

最平的電油車MG3，13795鎊，七年保養，假設七年後價值係零，因2030年禁售新燃油車，平均每年車價成本1970鎊。

我架本田思域錢七，車價1700鎊，真係好平，但係未夠三個月已用722.55鎊大修，已經冇計早前換壞車燈、加裝後波雷達等費用，已經超越新車每年成本，仲有每年要過MOT檢車，可能最少又要使幾百鎊才能過關，反之，新車頭三年不必MOT，之後都係原廠保用，問題不大。舊車係咪真係平，很值得三思而後行！

今年2023年，仲有七年時間，買架貴的電油車真的不適合，cheap cheap地買架MG3，涯夠這七年也不錯，又或者買豐田Approved Car，都可保十年，扣除車齡，當然你一定要跟足原廠保養，service一定貴過一般車房，但換來平安，也是值得。投資最忌係計唔到數，所以虛擬貨幣、NFT一概不能沾手，舊車整完可唔可以涯多一年，完全冇得計，零件排住隊壞，這樣令我懷疑太舊的二手車是否值得玩。