移英日記（五六）義人多有苦難

 今日真係諸事不順。

昨日下午見到租樓樓盤，「歪芺」立刻致電已冇人聽，今早九時再勁打，本來有早上及下午時段睇樓，由於打算睇完樓直接去Nursery接仔，約了下午睇，誰知未到時間，已收到短訊。

（這間公司是少數會租俾漁村人，但你一係有錢（有資產証明），一係有長工的工作証明，否則免問。）

個租盤睇都未睇，已經租出了，不必睇了。

跟住自己又忘記關汽車大燈，因安全駕駛，任何時候都開著車頭大燈，我經常都檢查或去車頭看看，這次一冇做，便死車，撻唔著，問弟兄都冇「過江龍」（Jump Leads)，問隔離屋鄰居，他Volvo的Approved Car，好少壞，也沒有這些維修工具，但他代我問女兒及女婿，終於借到，明日等弟兄過來車救車，看看去不去到Portobello。

聖經說：「義人多有苦難，但耶和華救他脫離這一切」

睇黎，都要買定D工具自救，可保平安。

（生活的困難或小問題，談不上苦難，但真正受苦受難的人，需要我們記念。）