大不列顛，如果唔熟車，請買新車或許可車

 大不列顛要買車容易，但維修難。唔係好似漁林駛入車房，或打俾相熟車房找拖車即可。大不列顛除了會死人急症，所有野都要預約，倘若有牙痛才找牙醫，一定死緊，要預約做檢查，再預約醫治，仲唔痛死。

車也是一樣，預約好才駛到車房，或找自由身師傅（整車佬）去整，佢會駕走你架車，若駕不了會攞料黎整。本來只是更換離合器，四百幾鎊，但接合的飛輪flywheel花了，整車佬拒絕安裝，找二手飛輪也不肯，因離合器係新的，會保養一年，即使唔要保養都唔得，最後某弟兄找到機械廠可以打磨好，與整車佬協商好可以不必買新飛輪，整車佬又話住得遠要額外收多60鎊油錢，我一個月才入50鎊油錢，就算由格拉斯哥過黎都唔洗，何況不是，不過考慮到功夫多，拆原又要還原，跟住又話上報了個整車網要多百幾鎊，根本係騎虎難下，局住要整。

乘車去機械廠要一小時多，不會立刻整，另一日取，我順勢去「海洋總站」看看。

另一日再取，打磨用了57.6鎊，買隻新連運費五百多鎊，十分一價錢，都要整。再通知整車佬，要下星期才整。

買新車，表面貴。買舊車，表面平，實際是忽略了交易成本，找二手舊車，用了不知幾多時間找，跟住研究，到目標車出現，又要約出黎睇，唔熟機械又要找friend一齊睇，睇唔知幾多架才買到，跟住之後的維修費用更不用說，經濟學家已提出交易是必須花費成本，包括搜尋成本、議價成本、監管和執法成本等等。

新車價錢=舊車價錢+搜尋、議價、監管等交易成本

移民大不列顛，你有很多野要煩，如果條件許可的話，買新車，又或者Approved Car，這是我親身經歷的真心建議，整車係好煩的事，如果你幫亞馬遜送貨，或者一定要靠架車去超巿或接送子女上學，一壞車真係企係度，牌費及保險也不會壞車而免費。