有D數很簡單，請問一間上巿公司要請一個頂級的國際法律團隊要用幾多錢？對比要被各國監管機構罰款，加上股價大幅下跌，那個化算？普通人第一個問題未必人人識答，但第二個問題一定人人都識，唯獨「面輸」的「豬黑白隔」唔識，誠哥的「為講頭脂」都唔見唔少錢。
早前尊尼特普與前妻的世紀官司，勝敗的關鍵除了客觀事實，最重要是請了頂級的律師團隊，美女律師如何字字珠璣、連珠炮發，全世界都有目共睹，倘若尊尼特普貪平，唔願意重金禮聘頂級的律師團隊，恐怕佢的演藝事業一定玩完。
有的錢，冇得慳的。你想去大不列顛，隔山租樓，讓家人安定，你卻不肯及不願花錢，卻期望YouTuber免費或低價幫你，期實是不切實際，這些人其實不過比你先行一步，經驗及對當地風土民情，根本認識得很淺薄，佢自己都未必撈得掂，更莫說幫你。再講，要收錢就不要說幫，係一門生意，究竟有沒有相關牌照及資格合法經營呢？營收有沒有合法交稅呢？
我早前講過用Citi plus電滙英鎊俾「疏聲A準」幫我找樓盤，我都覺得很貴，但人在「漁村」，十萬八千里遠，真係冇辦法，兩地文化不同，在漁村，你肯俾一年租金，那會理你甚麼膚色、文化、職業，但大不列顛就不是這樣，大不列顛人好講感覺，如果你的故事背景夠吸引，唔洗預交一年租都可以，反之，就是預交半年、一年租金，也不租給你。
現時大不列顛租樓不易，至少要租Airbnb兩個月，成本六萬，如果你俾萬五「疏聲A準」，肯定租到樓，月租一萬，送埋機場接送至單位。頭兩個月成本，一係六萬，一係三萬五，咁簡單數學，人人都識計，除非你有親戚、朋友，又肯幫手，咁另計。
正所謂：「小財唔出，大財唔入」，讀孫子兵法都知，你又想士兵為你搏命打扙，又吝嗇錢財不肯重賞士兵，試問怎可能打勝扙呢？打敗仗的損失大？還是重賞士兵的損失大呢？秦能滅六國，由商鞅變法開始，殺一敵，爵一級，故秦人一聽到打扙，便興奮地放下農具參戰，更竭盡一切力量，要殺更多敵人，因為耕一世田，都比不上在戰場上建功立業。
（文章只屬個人分享，沒有任何投資建議）
沒有留言:
張貼留言