IB免閒置費，你還需要考慮其他投資工具？

識投資，一定用IB，只不過IB大雞唔食細米，你戶口有很多錢及資產，唔理你，但戶口沒有咁多財力，就要你經常做買賣，努力賺錢，否則就要收取閒置費，不能好像聖經中，主人與三個僕人的故事，主人將錢交給三個僕人投資，有一個僕人怕輸錢，將錢埋在地裡，等主人回來，原封不動將資金還給主人，最終受到主人責罰。

最近我收到IB的通知，取消賬戶閒置費。我肯定唔係IB定義的入門有錢佬，唔理佢，論買賣，我也是有限公司，我自己返工時間cover整個港股交易時間，放工身心俱疲，又要去新墟街巿買食物、物資，減少疫症期間外出風險，回到家中要應付家中新成員，到美股開巿，最多偷偷撳手機看看，如常準時睡覺，以應付明日工作。

我不會像某些人不眠不休去投資，因為我一日有工作，返工才是我正職，投資只不過兼職，我亦不會為了每月10美元閒置費，勉強做買賣，這是本末倒置。

IB的玩法，你申請得這個投資戶口，一定要做買賣，每月係咪都要賺你10美元佣金，即使你甚麼也不做也好。但對於有正職人士，找不到投資機會，等唔到個價，就不會輕言入巿，我也曾被IB收取閒置費，故此，IB七月起落實取消閒置費，確實是佳音。