移英日記（414）二次移民？

 最近在屋宛樓下見到一隻受傷嘅斑鳩，或者叫野鴿，古代猶太窮人就係用斑鳩來獻祭。本來都唔理佢，因為當初租用物業承諾只養倉鼠，但因為斑鳩受了傷，唔識飛，又常穿插馬路，十分驚險，為了避免被小朋友見到血腥場面，最終促了。

然後發散訊息，終於有人接收…

跟住交到愛護動物嘅人手中，這裡對人嘅權利都較重視，對動物就更甚，不致變成紅燒乳鴿。

「嬰國」新首相為保「公黨」民望，大增福利，但錢從何來？唯有向「富人」加稅，以往遺產稅嘅免稅額取消，死後留甚麼俾子孫，一概加10%稅，變成死亡稅，「嬰國」死都要交稅，令我開始有離心。

如果一個人過去20個稅務年份中有至少10年是UK resident，海外資產也納入「嬰國」IHT。換言之，死前20年要有11年要離開「嬰國」，避免成為UK resident，問題係我點知自己幾時死？再者，我留100萬俾個仔，佢要先俾10萬，佢怎會有錢？俾多10萬佢交稅，遺產便成了110萬，佢要先交11萬稅，根本行不通，怪不得早前有農民要自殺，將土地提早交俾兒子繼承。

政策叫我快啲走，留返啲唔做嘢，攞福利嘅人，怪不得有錢佬不住移往「度拜」等地。

（這些國家真正有錢，免費麵包，沒有人餓着瞓覺。）