人都要懂得審時度勢，才是立身處世之道。
中學時曾讀莊子嘅「庖丁解牛」，要對事物了解透徹，做事才能得心應手、游刃有餘。
我有時咁諗，佢哋係咪錯判形勢呢？我咁講係好冇人情味，但時勢並非我哋控制，有順有逆，順勢時，做錯都冇問題，逆勢時，一不小心，萬劫不復！
「識時務者為俊傑」，認清形勢，小心經營，名成利就垂手可得！
好像北宋新舊黨爭，你估真係有正義或邪惡麼？盡其量是南人與北人之爭，個劇本係咁，你一係選擇唔玩，就避開禍患，你一選擇玩，就預咗要有兩個極端嘅後果。
有的人只不過遵守上司嘅命令，最終不得善終，假設你活在漢朝，漢武帝叫你攻打匈奴，你有錯麼？倘若匈奴打敗漢人政權，你有甚麼後果？難道以果推因，將之前所作也變成錯麼？只不過局勢改了，遊戲規則改了。
成王敗寇會唔會只不過好像炒股票咁，你壓啱注就發達，你壓錯注就破產，你要為自己嘅決定負責，純粹係投資決定？
你可以做所謂「好人」落地獄，也可以做所謂「壞人」上天堂，除了神以外，邊個知道我哋個心係點呢！
政客是善？是惡？凡人豈能分辨得到？
我淨係知道…
全世界都臥在那惡者手下。
世界就係咁邪惡，去到邊度也一樣，沒有這個比那個正義，只不過跟劇本做野，「甘正因」、「抱驚」等嘅角色係壞人，你才會覺得佢係壞人，佢哋都係為「幕後玩家」做事，沒有分別。
（石堅武藝不在關德興之下，只不過他演壞人，最後一定要輸，人工也差四倍，出街俾人咒罵。好人、壞人，不過是劇本嘅人設。）
沒有留言:
張貼留言