愛丁堡詠春：嘥氣！

 在我跟師傅學拳嘅時候，只有兩個人打得。

拳王文國安。

拳王陳俊賢。

其他全部都係廢拉！包括我自己，由於我在外面學過其他武術，又學過其他詠春，係雜種，血統唔純正，係廢拉中嘅廢拉，垃圾中嘅垃圾！

如果我早知道現實，就唔應該學，浪費時間、嘥心機！你嘅努力勝唔過你DNA嘅缺點，你就唔好學。拳王有幾多個？成功率仲低過孔子嘅弟子要成名，人一生咁短暫，唔係應該做一些有價值嘅事情麼！

（孔子弟子三千，成名有七十二。）

如果係小朋友，樣樣試下、玩下，無所謂，好似我個仔學過足球，「嬰國」嘅足球係有一手嘅，但佢冇興趣，咪算囉！跟住學JUDO、游水，我哋係心智成熟嘅大人，唔係應該小心選擇麼？如果真係打發時間，食飯、飲野、唱K唔好麼？如果真係運動，健身可以有好身型，唔好麼？踢波、藍球、羽毛球⋯各式帶氧運動，對健康嘅好處，一定比黐手更好。

「聾哥」係勁，45度龍旗，你做唔做到呢？練到咁強嘅核心肌群，爆炸力係好犀利⋯。學功夫源自一種浪漫，但浪漫從來都不真實。