移英日記（104）農莊一遊

 以前的消閒，食飯、睇戲、唱K、飲野…在大不列顛，反而多大自然活動。

星期日返完教會，約了某家人在聖約翰路的「白女士」（The White Lady) 吃午飯，是一間Pub，有酒飲有野食的地方，冇Bar咁雜，酒吧有黑人睇場，以防有人醉酒鬧事，但Pub，兒童也可去。

（這裡已是平價食店，中式餐廳一碟乾炒牛河都17鎊（未計VAT消費稅20%），這裡兩大一細都係用了19.37鎊（連VAT），算係咁！）

跟住駕車去農莊，個農莊叫Craigie's Farm Deli and Cafe，位於EH30 9AR，愛丁堡機場北面，免費入場，只是買野食野要俾錢，車位任泊，由我家駕車只需8分鐘，十分方便。

（南瓜有許多人買，跟「慢勝節」不無關係。）

（小朋友可以近距離接觸動物。）

臨走時，發現忘記關車燈，架車冇晒電，撻不著，雖然我有「急救寶」，但電壓唔夠，竟然救唔到車，要靠其他人借「過江龍」才解困，永遠危急關頭，才知甚麼才是幫到手，看來也要買多條「過江龍」放在車內，以備不時之需。