IB投資系列：與其追爛數，不如做好功課

 今時今日，不懂理財，不單害己，更加害人，有家庭害埋家庭，有子女害埋子女，唔係個個好似「謝延風」咁叻仔幫「肆哥」。

我身邊都有不少欠我的街數，都有幾皮野，如果我真係要做野，向小額錢債審裁署又得，向破產管理局又得，出律師信又得，又或者找「合法」追數公司又得，講明筆錢我唔要，追到的錢全部請D兄弟飲茶。如果唔係信耶穌，欠我的人，一定冇運行。

我以前有個女上司，係強人中的強人，英治時代已被government 送至大不列顛受訓，後來做私人公司，她入了會join了美容計劃，後來服待佢的美容師冇做，因合約有指明用該位美容師，她告美容院毁約，多次出了律師信不果，最後政府執達吏去美容院拖走儀器拍賣還錢，美容院老闆才急急道歉還錢。

我唔會好像女上司咁做，因為用的錢一定比追回的錢更多，不合乎經濟效益。問我借錢的人，如果真係冇能力還錢，做下戲都解釋下原因，如果唔能夠一筆過還，每月一千也可以，又或每月一百，我也不介意，玩失踪，算是人麼？既然少少錢就變賣了大家的關係及感情，日後被人追殺，我可以做只有幫佢報警，係咁多。

正所謂：「受人點滴，湧泉以報。」韓信受一飯之恩，千金以報，時代唔同，人心醜惡，不能同日而語了！

（韓信失意時受漂母一飯之恩，當他名成利就，以千金回報。）

（與其浪費時間追數，又或者「女上司」用重金為啖氣，損人不利己，倒不如做多些功課，某些股票已賺到了。）

（文章只屬個人分享，沒有任何投資建議。）