大不列顛仍要買自動波車

 去大不列顛，本來有新開始，人一世物一世，本來應該買部「突屍拉」加埋自動駕駛，但由於大不列顛價錢較貴，加上股巿未興，難有理由及藉口買部咁貴的車。於是次一等的電能車、混能車、電油車也在考慮之列。

電能車會考慮「逸剷」（「風填」唔生性，只顧研發氫能源車，冇計！），但租住地方一定冇充電裝置，街外快充並不便宜，沒有充電裝置難考慮。混能車當然選「風填」，1500cc的「也域」，新車要21萬，二手要17萬，1000cc的「也高」，新車要15萬，二手要10萬。

英國新政策，我地D老野考的棍波牌，全部去大不列顛只能換自動波牌 (詳情可去官方網頁了解），迫使我一定要買自動波車，一係買電動車，一係買「風填」混能車，混能已經省油，CVT無段變速波箱又省油，最重要是自動波。

（「風填」的混能車，是數一數二，領先全球，只可惜配合日本國策，All in發展氫能源車，以致電動車落後全球各大車廠，實是可惜。）

（大不列顛買最平那架「突屍拉」都比漁村貴，若連埋自動駕駛，要五十幾萬港，仲要等到2023年4月才有貨，陰公！）