IB投資系列：唔係你財唔入你袋

 昨晚盤後「嬰突耳」INTC急升，去到八十幾元。由20元、40元、60元、80元，我從來未見過一個巨人倒下後會翻生，今鋪真係跌眼鏡，看來「落機啊」都不能忽視。

我自己並非大富大貴命，大錢就執唔到，雞碎錢倒是執是執到，賺145.43鎊，期權千零蚊，合共三千講元都冇。

早前「馬屍黑」話自己要造晶片，由設計、製造、封裝、測試，一條龍全部自己做，成功機率係零，但「嬰突耳」加盟，整件事變得可能，最新財報訪問，「馬屍黑」稱聲會用「嬰突耳」14A先進製程，喺一度曙光，不過要知道，「突屍拉」佔晶片產出只有兩成，八成係「士卑益匙」使用，真正得益係「士卑益匙」，面對資本開支急增，「突屍拉」股價定必受壓。

這件事使我將焦點放在「士卑益匙」，但未上巿嘅「士卑益匙」並非凡人所能觸碰，唯有留意「迴猩猩」。間公司就十分垃圾，但「馬屍黑」買入「迴猩猩」頻譜，用現金及「士卑益匙」股票支付，佢持有嘅「士卑益匙」可能十分值錢，因此股價上升。

「迴猩猩」SATS只屬投機概念股，上脹靠想像、下跌睇現實，「士卑益匙」上巿受阻，或三大巨頭上巿對巿場吸金，對資金造成壓力，股價並非預期，又或者在股票巿場已可直接買賣「士卑益匙」，對替代品需求大減，因此130元左右已是極限，我賺少少買賣差價及期權，賺少少雞碎錢便算。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。