移英日記（371）永居攞唔番強迫金

 不少講人已成功永居，當然希望攞番強迫金MPF…

但事與願違，都以「獲准在HK以外居住的證明無效」，他們住了五年，已由大不列顛政府發出文件，如果咁都冇效，咁點樣才有效？BNO你唔承認，但永居ILI是一個獨立主權國家發出嘅有效文件，怎才會冇效？除非你唔承認這個國家嘅存在及主權，斷絕與這國嘅外交關係，好似「衣郎」跟「亞攣遊」一樣。

亦有早期講人已入藉，都唔成功，咁即係點？65歲才可以攞番強迫金，但根據邏輯嚟講，如果合晒要求都攞唔到，就算65歲都未必會攞到。

如果移居海外係原罪，咁這些揸乾晒民脂民膏嘅人又算甚麼？

誰是人民公敵？是有兩架「勞屍萊屍」代步，白食白住，有「忠腩凱」保鑣，財富不明不白嘅人？還是努力工作，去到海外也做到隻狗咁，只係想攞番自己的錢嘅人？

我真心希望公理正義猶在。這些都是人們工作累積嘅成果，唔係攞著數、攞政府錢，如果唔俾人攞MPF，等於借錢唔還嘅人一樣咁仆街。