假期係移英有子女嘅講人嘅惡夢，因為假期長，有工作嘅父母也要放下一半勞動力，影響收入，另外又要安排活動，真係好頭痛嘅事！
早前我已推了友人，自駕去「發國」、地中海「瑪已它」、「爸嚟」嘅「敵事離」樂園，股市攪成咁，仲去豪遊，係impossible，我唔係洗腳唔抹腳嘅人，今日唔使瞓街已算偷笑！
我真心相信不同地方成長嘅小朋友，會有不同結果，學術上，讀「嬰國」公校，真係垃圾，寫個字都錯，因為他們不串字，純靠拼音，難怪這裡連簡單文件都成日錯，不過創意、藝術、運動可能有另一番發展，今日AI已可取代很多職業，讀書叻未必係優勢。
某網紅「高高哥」個女多才多藝，睇字典咁厚英文書，但我個仔一樣年幾，淨係識玩transformer、睇Dogman漫畫、打Switch，踩roller，成個敗家仔。咁又如何？「同人唔同命，同遮唔同柄」，呢個世界要有高管，亦都需要污糟邋遢嘅整車佬，點解人人都要行一樣嘅路？
移英，不過陪太子讀書，稅務問題下令自己投資設下不利條件，錢又賺唔到，但已預十皮交稅，現在屋也冇錢買，確係有啲洩氣嘅！不過呢啲只不過係數字遊戲，油幾貴也照入，要用嘅錢也會照用，應使得使，孩子沒有涯過餓、有厚衫著，可以學游水、Judo，發展自己，有甚麼比此更好呢！
沒有留言:
張貼留言