移英日記（374）窮人生活

 移英窮鬼嘅生活，實在不足為外人道…

除了睡覺較至16度，日間一既唔開暖氣，室內十一、二度，都係咁過。

窮鬼健身室都冇錢入會，行公園，用免費健身器材。

移英窮鬼一定要向下流，做餅廠、執房之類工作。我呢啲仲衰做無業遊民，社會嘅寄生蟲，不過這種寄生蟲靠自己，沒有佔用任何資源。

窮鬼行路一小時，去到室內遊樂場，一個仙油錢都不必。入場費要15鎊。

窮鬼一家三口，只叫一兒童餐、一成人餐，兒童勉強叫了一杯「鬚革難」特別橙色汽水飲品，Total係19.9鎊，大人自備水飲便算。

「嬰國」貴為美食沙漠，係食呢啲嘢。超級球星C朗拿度，都係飲水，你有幫襯人哋，飲水就唔會詐你型！

行了差不多三萬步。窮鬼戴幾鎊爛鬼膠手錶，對許多人而言，Apple watch配埋Hermes錶帶，先至係人戴。原來我唔係人，係窮鬼。

飲杯自製特飲，綠茶加奇亞籽，抗氧化及消炎，抵抗今日吃嘅毒物。