愛丁堡詠春：大部份師傅都造假

 許多人大半生都被洗腦，要佢地面對現實，根本是不可能。我告訴你，以前格鬥錄影帶，幾十年前都要數百元，仲要N線錄影機才能播放，佢哋根本冇睇過，他們只知「天朝」氣功幾犀利、抗打幾犀利、點穴幾犀利…

今日我拜托你哋睇下喇！唔好再咁㒼塞啊！互聯網好多片可以免費睇，最頂級嘅格鬥專家，應有盡有，資訊從來都不缺乏，但唔明點解佢哋對武術嘅認知好像沒有資訊嘅「不寒」一樣。

有資訊嘅人都知「甘正因」，唔係神人，係極權統治者。同樣，有資訊嘅人都知九成九師傅都係咁仆街，有名無實，但仍然義無反顧咁繼續獻上學費。

8個月可以成為師傅，你哋係咪有病啊？有病去睇精神科入青山喇！我都唔知跟了師傅幾多年，佢老人家對我嘅評價仍然係仆街、垃圾，有時雖然不是直接講，但眼神、語氣已反映一切。我明白這是職業拳手、業餘拳手與興趣班嘅差異，我都冇計，放工得半條人命，可以怎樣努力呢？

有的師傅更識「孽問蹲」，以此為自豪，人哋拍戲詐，真嘅「孽問」都從來沒有做過。如果沒有做「孽問蹲」嘅師傅，可以試下學，不過都係戲子為主，如果識「孽問蹲」，又以此為自豪，花得咁多時間練這些花招，肯定冇料，神棍一名。

我都好負責任咁講，搏擊係睇肌力、心肺功能等因素，所以才有「拳怕少壯」這句話，另外仲要睇身型、體重，大部分所謂「師傅」都奀挑鬼命，唔使打都知唔夠「隨繞冬」打，所以唔係睇勝負，而係睇佢哋有冇功架，識唔識打，一到真打就手忙腳亂，一眼就知外行，就好似我哋撘架佬，徒手就爬上去，做釘板睇你搬板及打釘，就知一二，嗰啲功夫「師傅」全部外行，我唔怕得罪咁講，你跟緊嗰位「大師」十居其九也是這類貨色。