移英日記（380）奴隸反思

 印度有種姓制度，將人分階級，其實今日也是一樣，透過階級去完成管治。

有人說不要將自己定義，限制自己，但人貴自知，要知道自己位份，不致做一些僭越自己位份嘅事。

人分為高奴、中奴、低奴、賤奴四等，我清楚自己是低奴，相當於吠舍（庶民），相當於商人嘅職級，係咪覺得飄飄然麼！咪住！你看中奴「泥志鷹」，你咪知只要唔聽話，終身扼殺自由，比賤奴還不如。

許多人都唔想接受，但統治就係權力遊戲，由上而下咁運行。

你知、我知、單眼佬都知…只是心理上無法接受，以為佢可以為我發聲、佢嘅歌聲可以療癒我哋心寧，為我們心中嘅鬱悶，帶來一個出口，實際只不過統戰嘅棋子。

做人唔好咁天真！藝人（偽人），咪跟偽娘、人妖一樣，唔好俾佢外表呃倒，假㗎！

在權力底下，你算甚麼？見到名、見到樣，最高權力嘅人，在幕後玩家眼中，都不過是奴隸，你算老幾？睇下三角型，你只不過三角型下面嘅泥塵咋！

其實階級早已有之，問題係某一個地方嘅高奴，會不會做得太難睇、太露骨，赤裸裸話俾你聽所有野都係假，承諾係假、選舉係假、法治係假…讓人心中嘅祈盼都一一幻滅，唯有離開。

其實就算離開，也不過由一邊嘅奴隸，變成另一邊嘅奴隸，只不過這裡戲就做得足啲，有所謂選舉制度，等你這等愚民以為有權力，其實權力你從來都沒有，要加稅，咪讓「私己然」這等人做歹角上台，幕後玩家覺得要鬆少少，咪換另一個，但通脹不住，個人免稅額多年也沒有增加，只不過自我感覺良好。

（雖然有啲野係假，但戲都係要做足，唔好做得太難睇，中央都係用舊水瓶，你以為做運動員得到咁多奬金買1.4萬張凳，好少意思，等「你為鯨」都要開班教你班新手點做主子。）