IB投資系列：cheap出個未來

 最近又出新機，舊機減價…

但對我完全冇吸引力，無論新機又好，舊機又好，我都係唔會轉機，繼續用「埃鋒11」，用磁吸機殼，就可用磁吸外置電池，解決續航問題，又可捱多幾年。

「嬰國」電費昂貴，用各式充電電筒減少開燈機會，有效節省能源。

各式太陽能電器設備，減少充電機會。

太陽能發電板，為「尿袋」充電，但「嬰國」陽光不足，回唔到本，有house都不值得裝，如果有自置house，安裝「突屍拉」power wall，廉價晚間電費充電，日間使用，方為正路。

我最浪費金錢係買車，只因公共交通不足，地方大，難以活動，我自己都可行路，但返學放學，爭分奪秒，不得不駕車代步，第一部「錢七」係Honda思域，千七鎊，一萬七千講元，cheap到爆，壞了幾次，整車貴過車價，MOT又用了七千幾元，局住買好車，19萬幾Approve car，「瘋填」可涯十年，除番每年兩萬，咁同「錢七」咪差唔多！

識得慳錢，低奴才可累積資本去投資，錢生錢，就算唔可以發達，至少財務自由，自由自在！你要賣出看跌期權，賺取期權金，也要有充足本金或槓桿戶口有充足信用額度。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。