正所謂：「此地不留人，自有留人處」，我都唔會對大不列顛有太大期望。
當人們不住跟你講，你留喺度，係要賺返嚟，唔好白食白住，如果你係非法移民，攞緊福利，白食白住，當然本地人也討厭。但對於講人，全部都係自力更生，冇攞福利，睇醫生免費，係我哋俾晒簽證費及國民保險費，即係自費，沒有人申請失業救濟金或任何津貼，自力更生，講到我哋寄生蟲咁，要提高英文水平及收入，趕走你呢啲低階人類。
諮詢期完咗要統計啲資料，四月再作定奪，現在四月都未到，就不住放聲氣，工黨係為了爭取改革黨嘅選票，咁難道講人又冇票麼？點解唔區分清楚，講人係有貢獻，工作簽證嘅人係有貢獻，印度嘅醫護人員走晒，NHS醫療系統立刻崩潰，當然我知道，「嬰王」下面嘅鬥爭越劇烈，佢嘅位就越穩定，費事啲人食飽飯冇嘢做成日討論廢除帝制嘅問題，君主立憲係向低奴洗腦，有權嘅人會向無權嘅人咁恭敬麼？首相要經無權嘅人委任麼？文件要經無權嘅人過目麼？可以有免稅封地麼？可以受政府供養麼？
無論如何，「嬰王」都有最終嘅責任，只不過佢盤算嘅嘢同我哋盤算嘅野唔係一樣，好像天朝歷史各個朝代，宰相都係政府最高嘅首長，皇帝係管宗廟祭祀，但權力永遠在帝王，除了極有權力嘅諸葛亮、張居正外，皇帝嘅話邊個敢唔聽？大家都明㗎啦！
沒有留言:
張貼留言