現代人點解會有咁多疾病？因為工業化，人口集中，商家佬要賺錢，巿民要平價食物，最終長期進食工業化產品，潤滑油當食油、化學品當食物，最終當然自食其果。
吃一口麵包，睇下佢成分，水蛇春咁長，大部分都係唔識嘅副加劑、化學品，長期食用，健康自然受到威脅。
我都想用新鮮肉類代替早餐麵包，但股巿唔好，加上稅務問題，冇錢賺，由一星期兩餐，減至一餐，再減至唔係個個星期有，食肉食到飽係好難、好貴，唯有用麵包，但係要食好嘅麵包。
唔用化學品嘅麵包，單單發酵要用30小時，咁要收幾錢？4.25鎊（約45講元）酸種麵包。
所以得出結論，健康係用錢買，有機全脂奶貴過普通奶，本來我試過買有機西蘭花，「歪芺」話一定要買農藥菜，因為有機菜有菜蟲，洗到昏！
成年人肌肉流失，固然係負重運動不足，但蛋白質及營養不足也是主因，但每餐吸收有限，一定要餐餐有，又唔可以多或集中一餐，只有盡力而為㗎咋！
每日我會做抗衰老三寶：深蹲、臀橋、行路，拳擊三寶：直拳、勾拳、下勾拳（上擊拳），跆拳三寶：直踢、側踢、勾踢，詠春守四門散手等，Duolingo 學英文，讀聖經，睇資訊投資等。
（早上送完返學，跟「歪芺」行路、行山，早上已有過萬步，這個不是「平菓」手錶，雞牌手錶，幾鎊㗎咋，窮鬼係咁嘅設備。）
（以前「月語」流行曲真係有深度，「腍直」、「歪文」啲詞都好有味道，陀飛輪唔係叫你珍惜時間，而係提醒現代人唔好交出靈魂、自由、生命，去換取一隻無法証明你存在價值嘅機械錶。商家佬要你終身做奴隸，但人們show出來仲覺得好威水！我就繼續戴爛鬼膠手錶做自由人，你就繼續戴陀飛輪做奴隸吧！人各有志！）
沒有留言:
張貼留言