IB投資系列：死喺規矩，唔服！

 喺大不列顛炒股，唔係賺錢交稅，蝕錢唔使交稅，咁簡單，要跟規矩行事。

一、平均成本法則：同一股票多次買賣，成本要平均化咁計。

二、30天法則：就是Bed and Breakfast rule，賣出股票30天內買回同一隻股票，成本會用新買入價格計算。

三、同日規則：same-day rule，同一日買入賣出必須配對計算。

如果唔識玩呢啲規則，真係就算蝕大錢都可以話你賺大錢，炒股已經係刀口上搵飯食，如果仲要左顧右盼，點會賺到錢呢？於是唯有淨係玩option，賺幾多期權金，就交幾多稅清清楚楚。

本星期賣出24張期權，賺1510尾元，約11778講元，每星期約賺一皮，一個月賺四皮，交一皮稅，即每月有三皮，夠低奴一家三口生活。

拳擊手參加MMA或終極格鬥之類，一定死硬，唔係佢唔夠犀利，只不過輸喺制度。我嘅炒股風格係靠頻密炒賣套利或降低成本，有許多下行炒賣，根本未賺到錢，盡其量透過買賣，降低成本，但人哋唔理你，同一日買賣要配對計算，因此明明冇賺錢，卻說你賺大錢，蝕錢情況下，你係交唔到稅，死硬！兩條路，一係等四月埋單，30萬加預繳，即60萬稅（視乎HMRC將你怎樣歸類），蝕賣股票交稅。一係四月前蝕夠錢，唔使交稅。既然係咪都係要你蝕賣，只不過先後，當然選擇先蝕唔交稅，好過又蝕又交。

以現時咁嘅環境，資產價值大幅下滑，買樓已經係無可能嘅事，即使買間細細地嘅Flat，也攞唔到錢，差在未敗走英倫，靠期權金勉強維持生存，暫時未有急切需要重出江湖，去酒店執房。應該涯到永居、入藉，如果政策沒有改動的話。

「出得嚟行，預咗要還」，都冇得唔服，炒股預咗三更貧、五更富，只是成日俾「歪芺」埋怨，所謂賺錢，只不過紙上富貴，資產負債表條數靚啲，對實質生活沒改變，只不過以前有睇樓這活動，現在睇都唔使睇，因為冇錢買。不過正正係生活水準不變，就更有韌力堅持下去，「有得揀先至係老闆」，今日我可以選擇去那個國家住，可以選擇食用油，還是機械潤滑油，可以選擇酸種麵包，還是糖尿麵包，可以選擇營養，還是一堆元素周期表…

（去到邊度都係要交保護費㗎啦！做生意，黑白兩邊都要俾，以前「漁村」雖然低稅，咪喺住屋、油價、炒股嗰度著墨，只不過支付方式、方法不同。你適應了嗰種賽例、玩法，你有辦法、條件去極大化回報，講真如果在「漁村」高樓價、高印花稅入巿，今日咪一樣仆街。）

（富人花錢買時間，窮人花錢買「陀飛輪」（消費品），所以決定佢哋嘅結果，我今日可以駕車接送個仔返學放學，陪「歪芺」行路儲皮黑敏步數，如果你冇時間，有錢你都執唔到啊！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。