去到大不列顛及不愛已難聯合王國，突然明白以前「漁村」係天堂，有「天朝」工業生產力，加上「冬腩啊」廉價物資及傭工，反觀這裡甚麼都貴、水準又差、效率又低。
如果去馬拉，至少甚麼野都平，油又平、食物又平，你會接受有些落後及低效率，但大不列顛又貴又落後又低效率，性價比極低，有什麼可取之處呢？
最近發生案件，令我明白下下要跟程序、守法下運作，效率一定慢，但卻揭發「腩型集體炒車」事件，令我明白公義也是重要，以前我說「特務酒樓」冇人信，又話陰謀讑之類，現在人人都明，誇境執法仍然每日發生。
早前講人紛紛擔心政府提升永居入藉要求，如果你明白所有野都要跟程序、守法下運作，要變也不會咁快，無理改變也會受到司法覆核嘅挑戰。
我知道人人都各為其主，忠於佢嘅國家並不是錯，當年鄭國為秦國修水利，建鄭國渠，也是為了消耗秦國嘅國力，讓秦國無法侵略。當年鄭國都係愛國，今日所見，人人都為利益，要有報酬，又呃飲呃食，做事求求其其，判上判，水準及質量極低，作為特務完全唔合格，最後件事攞咗，國家蒙羞。
每一個地方也有佢嘅國情，有佢好嘅地方，也有佢唔好嘅地方，特事特辦係高效率，卻會讓人濫用及特權階級，跟足程序及法例係低效率，卻能彰顯法治及公義。
（認識歷史，你就會發覺今日所發生嘅事係有幾荒謬。）
沒有留言:
張貼留言