英國買新車？舊車？

 如果你係新牌仔，無論那一個地方，買新車也會有一定風險…

我以自身經驗分析，架舊車1700鎊，但維修也用了九百鎊，過Mot年檢又用了七百鎊（因要維修達至安全要求），咁一年成本三千鎊多，七年要廿幾萬，如果咁樣推算，買一架有七年保養的起亞、MG，除笨有精，咁點解唔買新車買舊車呢？

新車好處是很少壞、有保養、能源效益佳、省油…而且頭三年不必Mot，減省麻煩。

當然舊車一年不一定要使咁多錢，離合器壞、飛輪壞、車軸斷埋，邊個咁好彩？但一架車幾千個零件，十幾年車、十幾萬里，折舊在所難免，要佢唔壞，基本上是天荒夜談！你自己搏好唔好彩，壞得少已經賺了。

（Drive Shaft都會斷，聞所未聞。）

（部車四條軚雖然過到Mot，但軚紋深度好勉強，下雨天也要好小心，所以舊車維修係排住隊嚟，離合器換了新，按理這幾年都唔會壞，但十幾年的零件不可能唔壞。）

我個人建議，新牌出舊車，貼P牌，人地會讓你，有經驗買新車，但買最平那款，如果住近巿中心，人多、燈位多、限速多，買自動波。郊區、人少、高速多，買棍波，老司機就取決有多少錢去決定吧！

(初到英國，未熟路面，買部最平的細車即可，某韓國細車，1000cc，四速棍波，13665鎊，13萬鬆D港紙，好過買舊車。）