IB投資系列：致富生活，Cheap到你唔信

 許多人以為富就是食好、著好、住好，不過事實上，致富之路，cheap到你唔信。

因為富裕由節儉開始…

超巿有特價，會立刻購買。5.99鎊一包泰國米，立刻俾我掃晒，都係得兩包。

英國一定有洗碗碟機，我從來沒有用過，因為費時費電，一概手洗，由於該處太暗，我唔想短時間一開一關，浪費電力，用充電電筒照明便算，晚上去厠所，也是一樣。

冬天暖氣一概調較至0，只有臨沖涼前開浴室暖氣，臨睡覺前開睡房暖氣，儲夠溫度，睡前必關。除非出面氣溫降至低於零度，始終要較至「米」，維持少量溫度，避免結冰爆水管。

英國星巴克不多，主要是Costa咖啡店，我從沒有去Costa飲咖啡，要飲自己沖膠囊咖啡，要沖港式奶茶自己去買馬沙藍盒茶包extra strong那款。

要食炸野，自己買，用氣炸鍋製作，所費有限。要食Pizza，最平1鎊，幾鎊已經高質，只要不出街食，一定儲到錢。

我都唔算cheap，以前在教會事奉，得嗰一皮，甚麼也慳，節儉習慣可以理解，即使現在搵幾皮，也難保好像早前幾個月冇收入，資產價值唔見兩球，被迫重出江湖，現在巿況仍波動，不能掉以輕心。以前有些人在漁村賺許多，唔係用名牌，都係在淘寶買百零蚊野，漁村某富商吃魚柳包，股神巴菲特吃麥當勞、飲可樂，以佢地財富對比所用的錢，我自問比不上。

（許多有錢佬，慳到你唔信。）

（股神巴菲特都是吃麥當勞、飲可樂，想做有錢人，先學會節儉吧！）