今日幫人睇樓，由弟兄托上托幫忙，我亦視為神俾我的工作，分文不收，最緊要完成神的工。戴定頭盔先，學耶穌話齋，「我奉差遣，不過是到以色列家迷失的羊那裡去」只服侍以色列家的羊，而且我未有車，能力所及只是步行可到之地，如果托上托都托到我家，你的弟兄即是我的弟兄，這是不能拒絕的。
之前幾日已在周圍環境詳盡了解，某英國樓專家A撚 sir所謂專業人士盡職調查，凡人所可以做，已經做晒，結果就等佢概造化了。
（物業附近有商鋪唔係好事，無論食店、酒吧、賭場，都是一樣，避之則吉。）
（在繁忙大道，也是大忌，咪聽中介說很方便。）
（有鐵路，雖然方便，但噪音及多人流多，在英國並不是好物業。）
（近醫院、醫療中心，可加分，你明點解，急救車冇咁快到，住得太遠，有得救都變冇命。）
（house係一項一項計，有前園、後園、車房（係放唔到車，係用來放雜物）、加建、能源效益、係咪用gas的中央暖氣、校區等等。）
記住，如果可以，一定用「魔技」買，道理很簡單，你可以用魔技買，咁即係人地可以用魔技買，脫手容易，港人財大氣粗，cash buy中伏，死了都唔知原因，有銀行把關，佢借得錢俾你，資產一定冇問題，中伏機會較細。
沒有留言:
張貼留言