小兒Nursery攪掂，電煤轉台攪掂，Countil tax攪掂，登記GP睇醫生攪掂，上網delay（你知英國人效率），英國車牌等緊…可以做的，已做晒，等個英國車牌攪掂，可以買架車，去睇下樓，或周圍走走。
其實去英國，香港車牌都可駕一年，之不過保險一定比英國牌貴，雖然可買住車，交住外國人保險，待出了英國車牌，補交資料可扣減保費，不過你都知這裡效率如何，一交一退都很麻煩，正所謂：「財不入急門」，何必急呢？
既然現在已長租居所，去超巿、學校，全部都可步行可達，就沒有迫切性去買車，慳得就慳！這幾日開始試下冇開radiator（暖氣），只開熱水洗碗及沖涼，boiler用天然氣有限，用香港帶來的暖水袋，即或再凍，也買了電暖毯，一定可以慳到錢。
（英國能源費高昂，有四分一人不開暖氣。）
家電方面，慳得就慳，唔關股巿高低問題，去得英國，個個都要有半年生活費証明，故此慳錢係一種生活態度，要最有效運用資源，有的人食也冇得食，怎能浪費？
洗碗碟機，洗很耐，又耗電、又耗水，用都冇用過，儲夠衫才開機洗衫，英國焗爐很大，十分食電，放多幾款食物，調較差不多溫度，180度跟200度，唔會差很遠，一齊焗，始終我們這些草根階層，唔係廚神Gordon Ramsay，唔洗咁精準，有的可用微波，更快更省電。日間不開燈，用自然光即可，睡覺全屋關燈，暗燈、走廊燈都不會有，用充電電筒去厠所。
香港人冇野涯唔到，要淪落街頭，大部分都是人的問題。
（地獄廚神Gordon Ramsay要求甚高，經常爆粗。）
沒有留言:
張貼留言