移英日記（二）困難過後一定見彩虹

 蘇格蘭是苦寒之地，雖然對於加拿大、俄羅斯根本很少意思，但對於亞熱帶地方的香港人來說，仍是十分有挑戰，人家來香港要忍受濕熱，今日我們要忍受濕冷、大風，仲要帶著雨點，早上十幾度ok的，有時更有陽光，經常有彩虹，提醒人神與人所立「彩虹之約」，神不再用洪水滅世，詳情請看聖經創世記。

（屋仔屬於「邊排」（end of terrace)，最靚的景不是房的窗，而是樓梯口的窗，斜望無敵草地，天空更有彩虹，十分美麗。）

但晚上可跌至幾度，又大風，又有雨，在室內有暖氣是ok的，由於租住單位兩房，但只有一張床，三人迫住唔舒服，打算瞓廳，開頭可以，但去到深夜，暖氣停了，凍到PK，都要迫埋瞓，之後要上網睇說明書，學習操作。

（網上自己找說明書，自己學習，唔想凍死就要學習怎去生存。）

去到英國，通脹係嚴重，但主要也是能源費及住屋開支，一般食物開支係貴了，但都係有限公司，如果想再平點，可去「呢度」（LiDl）屬低價超巿，雖然冇中價超巿Tesco咁足料，但價格便宜。

（一大條方包0.38鎊，2升奶1.55鎊，我當1英鎊兌9港元計，分別係3.42港元、13.95港元，廿蚊唔洗可以吃幾日，怎會生存唔到？要留意食物屬A類，不必交稅，但消費品屬B類，要交20%VAT，已計埋俾錢。）

（去到外國，小朋友係開心，但大人仍要為生存、申請各項而煩惱，夫婦衝突也多了，所以去到英國，都要學習放慢腳步，多祈禱依靠神，應對各種挑戰。）