IB投資系列：長生津？

 投資不住失利，資產不住下跌，點都要為將來作出部署，正所謂：「人無遠慮，必有近憂」，至六十五歲，資產剩返雞碎咁少，敗走英倫，都有個打算。

其中一個辦法，是去生活較便宜地方…

「心震」地點雖然最接近「漁村」，但價格仍貴，「慧周」、「忠珊」、「豬鎧」較適合，夫婦二人都唔使一萬講元，又能維持有體面嘅生活，反正「忠講」一體，甚至上面更自由，紅線清清楚楚，住得也安心。

如果家庭資產低至難以產生足夠被動收入，維持63萬講元做儲備，多出部分買年金（不計算資產，再產生被動收入），可申請長者生活津貼（長生津），每人4345講元，再加年金嘅被動收入，在「慧周」、「忠珊」、「豬鎧」等地，也夠生活，真係天無絕人之路，投資失敗都唔使死嘅。

反觀，在大不列顛，就算你補交NI去達到pension要求，你都冇可能得到全額pension，每月幾百鎊，怎夠生活呢？再者通脹咁勁，「正虎」又不住推遲退休年齡，現時推到67歲，到你攞到，都唔知70歲定75歲，都攞唔到幾多年，錢即使調整，連買食物也不夠。

作為投資人（好聽一點），或者叫三流交易員，講甚麼pension、長生津係好失禮嘅事，但人有三衰六旺，我冇可能唔計算自己最衰會變成點！敗走英倫、敗走馬拉，或者躝返去「天朝」…

（正所謂：「有咁耐風流，有咁耐折墮」。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。