IB投資系列：死窮鬼

 時勢唔好，黎民受苦。

但即使條路怎樣，也要走下去…

上星期五及星期一買下本星期五到期嘅期權，賺3959尾元，約30880講元，一星期賺三皮都唔錯，好過冇，幫補下！去商場，都冇食野，去超巿買些食物，返家加熱便算。出街食30鎊走不了，去超巿30鎊可買幾餐，入油用E10油便算，溝了10%酒精，美其名碳排放少，但無咁耐燒，要用更多油，但問過AI分析，每英里始終比E5油平，始終我部「發瘟車」唔係甚麼高性能，吃甚麼油也沒關係，最緊要平！

雖然失去買樓能力，但我心中沒有太多波瀾，始終人生有上落，股票有高低，我大半生做甚麼也沒有成功過，做唔成護士、做唔成經理、做唔成牧師、傳道、做唔成釘板師傅、撘架師傅、做唔成詠春師傅…張張刀冇張利，醫護界、飲食界、社福界、宗教界、建築界、武術界…都沒有容身之地，投資界係我最後一舞，死窮鬼怎也希望威番一次。

在逆境中更要加倍努力，好似「蝦你咔離」，從來都沒有放棄，最終成為「嬰革難」救世主。

現時三球都冇，以現時搏到咁盡計，一年可賺一球，回報三成，扯到好盡，不過，未來炒股稅如果加至45%，「苛政猛於虎」，冇得玩！立刻收皮！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。