本來以為下年度點都唔使交稅，點知「歪芺」計下計下，竟然要交，因為佢評稅方法及法則，恐防有人避到稅，用各式法則，嗰隻電車，話我成本價二百幾，賺幾點變賺double，攪到條數好大，作為納稅人，除了計稅困擾，也要面對繁重稅務，怪不得大不列顛成為富人逃離最多嘅國家。
莫說B1轉B2唔玩，佢咁樣用納稅人嘅錢招待非法移民，等空置嘅酒店有政府埋單，佢自己繼續收受利益，繼續鼓勵人唔做野勁生仔以獲選票，將稅務重擔加在少數人身上，點解仲要配合佢繼續做這台戲呢？
唯一顧慮係個仔適應了這裡學習嘅懶散，要反攻鄉講，死緊！除非入讀國際學校，鄉講要高奴才合資格，低奴唯有選擇第三世界如泰國、菲律賓、馬來西亞等。
攞到入藉或攞唔到，都要轉陣去第三世界，其實多年前已計劃去「奔城」，讀嗰間大叻國際學校，只不過嗰邊政策轉變，左右不定，大不列顛伸出橄欖枝，咪過嚟囉，世事變幻不定，二次、三次移民也常見到，有頭髮邊個想做癩痢？
沒有留言:
張貼留言