愛丁堡詠春：完美人設的因由？

 如果有人以為我踩低別人、抬高自己，我想大家誤會了…

我告訴大家，我固然係垃圾，在座各位，也是垃圾。詠春有幾光榮，我也有幾分自豪，詠春有幾垃圾，我也感到萬分羞恥！唔做中、唔做保，唔學詠春三代好！

我自己也身體力行，送個仔去學Judo（柔道），以示公正，讓他懂得保護自己，跌嘅時候，識得「受身」減少受傷。

好多所謂「師傅」所教招式，流到你唔信…

好多所謂「名門」、「正宗」，垃圾到你唔信…

簡直是不堪入目…

有冇諗過點解要將一個詠春「功夫佬」打造成一代宗師？講嚟講去也離不開個錢字。

如果真係要講民族情懷，甚至說民族英雄，也要數關德興師傅，他於抗日戰爭期間，不住義演籌款。

如果要講對感情認真，情比金堅，也要數石堅叔，堅嬸久病不癒，石堅沒有信仰，也接受受洗為妻子祈禱。

如果勇於接受挑戰，突破極限，也要數大山培達，佢赴美挑戰身型比他高大嘅美國人，令對方骨折重傷，群眾嘩然，若非警方開路保護，無法離開場館。

我想問問詠春同門，除了功夫，「綜獅」有甚麼野值得你去尊重呢？以人嘅要求來說，也很勉強，拋妻棄子，成名後有兩個臭錢，抽鴉片，黐埋上海婆，攪大埋個肚，生多個「孽種」，攪到眾叛親離…

點解要有完美人設？又係錢作怪，如果創拳者、中繼者道德有問題、操守有問題，即使拳法如何精妙，也會令人卻步，令收入大幅下降。為甚麼「霍元甲」電影上映，各人立刻道德家上身，作佢好嘅冇所謂，作佢壞嘅，一概不能接受，就好像「孽抆」電影，作到天花龍鳳都冇人理，你試下寫「將永誠」在大陸獨守空房直至離世，「孽抆」抽鴉片攪到眾叛親離等真實故事寫入電影，大把詠春門人喊打喊殺了！

當年我跟林木業師範學跆拳，跟廖學明師範學空手，幾時有查佢道德如何？只係單純武藝，正如你學詠春，也純粹因為拳法嘅精妙，與授業者嘅道德，完全沒有考慮。

（雖然學功夫跟佢道德沒有關係，但係打女人真係好離譜。）