移英日記（350）放肆之後要回歸簡樸

 返回「愛叮寶」，意味悠長假期結束，一切回復正常，今日個仔返學，升到P2了，我預佢Nursey讀到University，甚麼10+1對我也沒有關係，只是要你多啲錢，成日講限制移民，其實都係講錢，你科足水，有足夠貢獻，就冇問題。

送完個仔返學，去Wetherspoon食個老早，兩個人，八鎊幾，有限錢，咖啡任飲，仲想點！

今日27度，晒住或車內更加唔止，終於明白車內冷氣係好有用，即使用嘅日子不多也好。

我這些低奴，都係食最cheap嘅麵包，由39p加至45p，現在已要55p，約6元講紙，可以涯三日。我見到乞丐食煙，即使佢很瘦，好似很可憐，我一個仙都唔會俾，嬰國一包煙過百元講紙，唔好同我講生存唔到，這是人嘅問題，這些福利國都無法生存，要檢討唔係制度，而係人自己。

NBA球員最搵錢，但退役大都破產收場，除了上述幾位，懂得投資、永久合約、長期分紅等。人嘅問題係自制能力嘅問題，一個人有幾成熟，全在乎利益延後程度，如果一個人將所有好處延至死後才支取，人世間一點好處都唔攞，佢已經係一個聖人，我哋只不過凡人，亦唔係要做甚麼驚天地泣鬼神嘅大事，只不過要不論風雨，死前一刻仍然可以支取。

上年得國之旅加環島自駕及郵輪，都係用五皮，這次返郷講加瑪膠用了九皮，「歪芺」斬釘截鐵說今年不會再外遊，這裡生活，每月兩皮半至三皮左右，都係過一些簡樸生活。