返回「愛叮寶」，返了「鄉講」一個月，都唔會覺得特別想念，一則窮鄉僻壤，沒有甚麼物質，二則感覺上似過客，唔屬於這裡，人哋從來冇俾國藉給你，成日話你哋要有貢獻，由「申煒城」至「私己然」都係咁講，攪到我哋好似嚟乞食咁。
我發現我根本沒有落到根，早前啲錢俾股票砸死晒，以前教會去了「嬰國」嘅弟兄早早置業了，租住嘅生活，不會裝修，更不會添置無謂嘢，好像行軍打扙嘅人，隨時拔營便走，沒有留戀，更不會有歸屬感！
言語及文化差異仍在適應中，有口難言、有話難聽，以前以為去咗外國，自然會識講識聽，加上幼稚園至中學咁多年嬰語熏陶，應該冇問題，我告訴你，有一個本地教會嘅「尾國」牧師說「鬚格蘭」嬰語真係聽唔掂，再加上我覺得稅重唔返工，更難融入，不過低下工種本地人是不會做，外國人嬰語比本地人更易聽。
至於奶茶，更無法跟「鄉講」奶茶比較，嬰國人大多用Yorkshire Tea或PG tips，又有人話用「瑪沙」藍盒strong茶包，始終複製失敗。因為講式奶茶唔係用單一茶種，通常混雜粗、中、幼茶葉，因此可以做到香、濃、滑三者兼備。
「嬰國」或者多方面比唔上「鄉講」，不過除了物質，「嬰國人」教曉我們禮貌，人哋幫了你要講Thank you，接受人哋多謝也要No worry 回應，落巴士也要Thank you!做人客氣一點，社會也會和諧一點！
沒有留言:
張貼留言