IB投資系列：貧者越貧、富者越富

 當我們交緊重稅嘅時候，可知道「有錢佬」交嘅稅少到你唔信。

特朗普係「高奴」，交嘅稅比我這些「低奴」還少，許多人重未醒覺，覺得我老吹，股神巴菲特交嘅稅比佢嘅秘書還少，只要巴菲特沒有減持巴郡嘅股票，即使咁多年巴郡嘅股票升到飛天，都唔使交資本增值稅，巴郡從不派息，所以都唔使交股息稅。

企業交嘅稅，更加少到你唔信。我哋這些低奴炒股賺嗰雞碎咁少，英國要交18至24%資本增值稅，那麼超級企業賺錢以億計，要交幾多呢？答案係0.005%。

佢嘅方法是在愛爾蘭超低稅地方註冊公司，再用一系列操作…

左出右入，右入左出，總言之交好少稅。

所以有啲「講股佬」話特朗普減企業利得稅，所以上巿公司盈利上升，股價會升，幻象嚟㗎！根本係亂噏，吹高個股價，幫自己散貨，你炒緊嗰啲公司，稅率全部低於1%，你減唔減都冇關係，「高奴」永遠交好少稅，係我哋呢啲低奴、傻散交重稅支撐個政府。

誠哥以前任長和主席，董事酬金只收五千，加拿大藉要交薪俸稅差不多要交一半，俾到盡咪交2500港元，好未！股票由公司持有，在避稅天堂註冊，你話佢交得幾多稅呢！佢條𡃁「打工皇帝」霍建寧係「中奴」，真係要交重稅了，不過香港標準稅率都係15-16%，濕濕碎。

所以，點解貧者越貧、富者越富？因為越有錢，交嘅稅就越少。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。