2021年12月18日 星期六

IB投資系列:唔識投資才會買年金

 最近某判頭將退休,他說會買年金,每月有收入云云…。我心諗,判頭做工程咁精明,想不到投資的智慧卻與小巿民一樣,判頭大把錢冇問題,但我們這些窮鬼若唔懂投資,收尾幾年真係很可憐!

香港人的壽命全球最長,女性達88.13歲,男性達82.34歲,如果長命,但沒有足夠被動收入維持優質的生活,等於活受罪,所以預早準備是必須的。

如果我們65歲退休,假設強積金加埋自己咁多年積蓄、投資有300萬,可以買盡公共年金,以每100萬,每月可取5800元,300萬買年金,即每月可取17400元(男性計,女性較長壽,年金會少D),倒也不錯,而且香港人長命,80歲就攞多過300萬,真是穩賺不賠。

我當然不可以用槓桿投資美股Tesla比較,每秒價位可以上落過萬,而且到了這年幾,心臟也應付不了。如果同樣300萬,有沒有更好的自製年金的安排?

為了簡單明瞭,假設300萬完全投資香港某電力SS,所謂SS,是指合訂証劵Stapled Securities,會將大部分收入用作派息,以現價計約4厘,每年收息12萬,再槓桿600萬再買,借美元利息1.08%,計埋未來加息可能,當2厘孖展利息,600萬的2厘,12萬,合共一年收24萬,平均每月兩萬,比年金更多。

電力公司在疫症期間,影響有限,定過抬油,而且因要減碳排放,增加天然氣及可再生能源投資,發電成本大增,電費一定只加不減,甚至高於通脹,電力SS自然派息增加。

反觀年金,至死前一刻也是每月收17400元,開頭很開心,但每年平均3%通脹,錢的購買力越來越少,生活越見困難,俾你活到100歲賺盡又如何,年金死了就沒有,但投資股票證劵,不會消失,遺產留給子孫,或捐俾慈善機構、教會,遺愛人間,不是更好嗎?

(以上只屬個人分享,沒有任何投資建議。)

沒有留言:

張貼留言

IB投資系列:花無百日紅,要識割禾青

 許多人都知「花無百日紅」,但唔係個個都割禾青(見好就收)。 許多明星,我敢說只要紅過,已經夠收山,可以財務自由,點解仲要磨爛蓆呢? (雷曼投資失利,要做到死。) (某些紅星,在天朝往往要與投資者對賭,才可接拍,倘若部戲唔得,要嘔凸,又係要做到死。) (師叔又係對賭,損失慘重。)...