2021年12月12日 星期日

沒有最cheap,只有更cheap

 家中百幾元上網費,本來我都算,怎知要數百元搬遷費,咁唯有用舊手機插張so sim分享便算,但在新住處接收極差,家中睇YouTube 也成問題,唯有轉陣。

某大超巿優惠,電話咭買一送一,即30元有80GB,家中上網夠晒用,一個月上網費30元,應該全港最平最cheap。

跟著六個尾水特價檸檬,6元6個,平均每個1元,晚上斷食,只飲檸檬水加有機蘋果醋的飲料,成本2元左右,視乎落多少蘋果醋。

我們在世上只有管理權,沒有擁有權,聖經清楚形容我們是客旅,是過客,要做神的好管家,管理金錢尤其重要,好像耶穌有12門徒,當中有稅吏,有豐富管錢經驗,但耶穌卻將管錢責任交俾猶大,可見猶大才華遠勝其他門徒,可惜他野心也太大,要復興以色列國,推翻羅馬統治,走了歪路,自取其亡。

家中上網費每日1元,晚餐2元,但買禮物給三歲兒子,卻用了四舊水(400元),別人眼中的玩具,我卻看成是訓練工具,兒子已認識clockwise扭入、anti-clockwise扭出,更可自行安裝鑽咀在真電批上,但力度當然不夠。若果他對詠春功夫、搏擊有同樣的興趣,將來也有機會做拳王,可惜!可惜!

沒有留言:

張貼留言

IB投資系列:花無百日紅,要識割禾青

 許多人都知「花無百日紅」,但唔係個個都割禾青(見好就收)。 許多明星,我敢說只要紅過,已經夠收山,可以財務自由,點解仲要磨爛蓆呢? (雷曼投資失利,要做到死。) (某些紅星,在天朝往往要與投資者對賭,才可接拍,倘若部戲唔得,要嘔凸,又係要做到死。) (師叔又係對賭,損失慘重。)...