「焀哥」雲端收入翻倍，但連續兩季負現金流，股價急跌。
在咁嘅時世，用現金流決定企業健康與否，也是無可厚非，我反思現在自己也是負現金，都唔係太健康。
由五球，最高峰接近六球，最低谷接近兩球，現在約三球半，究竟炒來炒去，是否得個吉？在數字上係縮水，但過往三年，我跟「歪芺」嘅ISA免稅戶口，年年注資，每年每人兩萬鎊，合共12萬鎊，約120萬講元，四年「嬰國」一家生活費，一個月三萬講元，四年都要144萬講元，做了約半年執房，扣了稅及NI，每月一萬三至一萬七講元，買車都唔夠，「瘋田」Approved car要1.9萬幾鎊，即20萬講元⋯
五球減去120萬講元，扣埋買車等，三球半，差不多吧！等於賺了生活費，以原先本金五球計，一年生活費約30多萬講元，即大約每年六厘回報。係呀！一個月期權金十萬、八萬，至今已賺一球期權金，但整體回報只有六厘，因為投資有賺有蝕，OKLO嗰十張期權就蝕了幾十萬，蟹貨也接不少，做生意有賺有蝕，投資也是一樣，賣得看跌期權，十張合約，你預咗要接一兩隻，如果係爛股，接咗好難走，如果係靚股，好似上面嗰隻「焀哥」，都唔使驚，等下一個季度成績好啲就可以。
我衰嗰啲都係貪，好似OKLO，只不過D級股票，嘍羅級，只因為波動大，期權金豐厚，一秒鐘按個制就有四十萬，邊個唔心動？富貴險中求，最後被反噬。而家咁嘅時勢，當然盡量只㨂S級股票，但唔代表唔使接貨。
（S級嘅仙水忍，受多次圍攻，絲毫無損。S級股票也是一樣。）
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
發佈留言