IB投資系列：人各有志

 「歪芺」話我說話過重，甚麼多行不義必XX，人都死咗，仲想點？每個人都有佢自己嘅想法及觀點，積下口德！

咁又係嘅，就算估錯，咪估錯囉！股神都錯過，女股神都錯過，少年股神都錯過，基金佬都錯過⋯有咩問題呢？唔需要道德審判吧！

某些人係「天朝」大好友、「大忠嘩膠」，唱好「天朝」故事，可以理解。再者，以估值計，「講股」係便宜，只要「尾帝」易主，撤銷限制及圍堵，這個二把手說不定彎道超車，也說不定！

世事冇嘢冇可能嘅，每個人因應自己嘅資訊、想法，再加上演算法會將你喜歡嘅野推送給你，因此幾不同嘅想法也會不住強化，我唔能夠改別人，別人也難改變我，但我傾向聽不同嘅觀點，blue營、yellow營都聽一下，因為敵人最清楚敵人嘅弱點及盲點，你話「嬰國」衰，我不會否認，而且我更清楚衰成點，「私己然」、「斌含」固然仆街，「突郎浦」可以係昏君，但你亦要問「抱驚」、「今政因」管治下嘅國民活成怎樣！

每一個人都係憑自己經驗及智慧判斷⋯

好像「尾股七雄」，以P/E計，「突屍拉」係不尋常嘅高，要平應該買「乜他」才對，但炒股當然唔係單看巿盈率，「馬屍黑」溢價也不少，正因為這樣，不少基金佬經常沽空，股價也異常波動。

所以不同人有不同見解，有人嘅心水係股王「揮撻」，GPU係AI核心，無可厚非！

你喜歡炒「講股」，目標係四萬點，無問題嘅！每個人口味不同，見解不同吧！

（有啲嘢冇人知，窮小子邊個會知佢係會成功。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。