IB投資系列：工都好做嘅，繼續炒期權

 上週硬食咗咁多貨，今周當然嘔返出嚟…

今鋪賣了十張期權合約，收1271尾元，即9913講元，果然死性不改，唔收番一皮都唔安落。上週接貨成本係380、390、400元，賣出看漲期權訂高少少，400、410、420、430元，賺期權金就可以，電車股照賣看漲及看跌期權，每星期約賺一皮，一個月四皮，好過打工㗎！

（但要注意風險！生死各安天命！）

（睇開啲喇，一把年幾仲要涯咩！）

尾帝繼續用戰爭、關稅協迫全世界，邊個願意入口更多尾貨、買更多尾債及投資更多尾國，關稅都可得到優惠，「東瀛國」已簽了「喪權辱國」條約，「勾盟」都要跪低…

尾滙已跌12%，就算你賺12厘，兌換回本國貨幣只不過打個和，如果賺唔夠更加蝕添！「鄉講」因為有聯系滙率已麻木，但移居大不列顛嘅人一定有感覺，「嬰鎊」兌「講元」由九點幾升至十點幾。

「講股」升又如何？滙率跌了，都係打個和，如果賺唔夠多，都係蝕。尾元唔減息，逸圓加息，兩部抽水機同時運作，資金仍在尾逸兩國，只不過由尾元流向逸元，以往低息借逸圓買尾元既操作減少，因為息差雖然仍有，但逸圓升，滙兌會有損失，因此尾股偏軟，成日唱減息，成日唱炒「包畏耳」，只不過氹你哋啲人買長債，搏減息升值，只要有人接貨，尾帝就唔會死，咁買了長債嘅人就會hold死咗啲資金唔走，長債價格靠穩，又會再吸引人去買…直至大股災出現，尾帝資本家吸夠貨，尾帝才會減息刺激經濟，資本家賺大錢之後，嗰啲長債才走到。

因此「爸飛突」嘅三千幾億現金，係有買尾債，但只買短債，不買長債，等股災出現可以兌換現金出手。抄功課冇問題，都要找成績好嘅同學嗰份來抄，佢哋都會有錯，好似「卡伕幸事」又要減值撥備，攪到「爸運」條數唔好睇，錯少少，老師都唔會詐型，冇問題嘅！好像網上嗰個「霉大師」，講到明發霉，劍走偏鋒，千萬不要跟隨，佢嘅詠春拳，講到明係垃圾功夫，千萬不要學習，可保平安！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。