星期日我決定返「鄉講」以前嘅教會，表面好簡單，實際卻付上極大勇氣，因為以往有不愉快經驗，曾經在這裡事奉了十年，無奈去了地盤，過了一個不一樣嘅人生。
我發現教會已從疫症陰霾走出來，以往因政治立場問題嘅分歧也看不到，聚會氣氛良好。反觀大不列顛「鄉講人」教會，人係多，宗派多，神學勁，講道勁，但意見多，剛剛才出現分裂，嚴重內傷，有的人也走了，我哋在外國幾乎冇宣教，只係內耗，這就是各人睇別人比自己強。
這次一笑泯恩仇，化解了多年心結，有的人讀書，過目不忘，名成利就。我卻記埋一啲無聊事，多年前家人約了以前鄰居食飯，四十年前跟鄰居兒子在中秋節玩燈籠，我點蠟燭手震燒了他的燈籠，當日我向佢道歉，雖然遲了四十年，但講了才得釋懷，但對方說忘記這件事了！
人係咪自由，係來自心靈，心中有結，去到地球另一邊都係受捆綁，「鄉講」曾經有唔開心嘅事，去到另一邊，或許可以逃避，但事情不會改變，除非走到另一個位置看這件，用另一個角度去思考，我發現我不過由一個籠，轉到另一個籠，係咪舒服咗，真係唔敢講。
好似「帶鞍拿」，做幼師及在瑪麗家當保姆，雖然辛苦，卻是她一生最自在及快樂嘅日子，人人都想飛上枝頭變鳳凰，有邊個知道「黃蝨」嘅捆綁竟然大到令人唞唔到氣？
沒有留言:
發佈留言