有啲錢，係要俾人賺嘅…
子女報興趣班，俾人教，自己就唔好出聲，游水班也好，Judo班也好，Judo攪咗成堂，先學到拉扯方法、後受身，上課氣氛亦較鬆散，玩為主，以東方武術標準而言，係有點兒戲，不過在西方社會，加上兒童班，係咁上下，最緊要佢肯玩，否則學成人班，最後叫悶，唔肯返，都冇意思。
功夫跟個仔玩下就可以，要認真學係冇可能，因為會破壞親子關係，冇意思，好像以前有個家長，唔理子女意願，總言之讀完大學你鍾意想點就點，到最後仔女真的大學畢業，但仔女卻選擇了結生命，因為佢覺得做人冇意義，當佢有自由去決擇，就是快快了結生命。
跟住下午約了友人去採黑莓，我哋叫「嗓子」嘅東西。完全免費嘅親子活動，採到嘅黑莓，在超巿都要兩鎊。要採那些又黑又大那些才甜。
之後出街食，這間Wing Stop主打雞翼，係正宗英國人很少食的，可見應該非英國本地人開，有無骨雞回應本地人需要，這裡有不同辣味選擇，最辣嗰款，職員講明好辣，對鄉講人而言，濕濕碎！
沒有留言:
張貼留言