終於在「鄉講」最後一日了，兒子都唔捨得，可能係一些親人，美味嘅食物，優厚嘅物質生活，當然最重要係好多變型金剛玩具、文具…
又要返去窮鄉僻壤，我不覺得難受，不竟一把年幾，爛衫、爛鞋、爛車，都係咁過，天天大魚大肉、天天放題火鍋，都好快主懷安息見上帝。
「鄉講」一直享有優勢，賺到錢去四邊旅遊或進口貨物，也是十分便宜，以前「逃保」已經玩死零售，今日「駢朵朵」免運費，買貴賠差額，仲唔攪到零售主懷安息！
除了物質優勢，以前嘅自由更勝外國，普通冇錢嘅巿民可用法援司法覆核挑戰「正虎」，報章雜誌可直接批評「正虎」，只不過這種情況在世界是罕有，亦不應妄想永恆存在，全世界，普遍你有某種自由，就會扼殺你另一種自由，「鄉講」是歷史產物，夾在兩個奴隸主之間，全世界奴隸主嘅目光下，權力互相制衡，奴隸才獲得空前嘅自由，你留意自由最大都在九七前後時間，一個奴隸主將失去主權及另一個剛得主權，你就明白權力嘅制衡及拉扯。
許多「鄉講人」唔習慣，係變得太快，因為當時奴隸發難超出想像，更有學者、智者參與，稍一不慎，後果不堪想像，迫使奴隸主採取果敢行動，全面控制局面。如果將今日嘅結果定在2047年，溫水煮蛙式咁變，問題不大。
全世界對奴隸嘅限制也不同，絕對自由根本係不存在，去過外國生活嘅人就一定知道，如果再加上文化差異、語言差異，真係好唔到幾多。
講真，你唔講政治、唔攪政治，冇仔女，根本唔需要走，就算返教會，氣氛好過外國，這裡有各國美食、有物質，家務唔想做請外傭就可以，做野交很少稅，炒講股有印花稅，但唔使資本增值稅、計稅，過千個trade 要計，仲有各樣規則，真係會死！
有仔女，咪當海外留學，我們去埋陪讀，「嬰國」幼稚園至中學免費，「嬰革難」地方入藉後大學收本地生學費，「鬚革難」住夠三年，合資格可申請減免，仲想點呢！
沒有留言:
張貼留言