移英日記（345）一生真偽有神知

 在旅居「鄉講」，我看了電視台製作了還原真相嘅節目，令許多人再度反思…

（網民要幾討厭這人才為佢整這款卡碧煙。）

人們係好希望知道真相，但關鍵人物卻迴避，對比出書、講見証、探訪台灣意外等高調，完全兩回事，俾人感覺有好處就攞盡光環，冇好處就迴避，佢係一個倖存者，同時也是機會主義者，難免令人討厭！

當日佢係有煙有火機，但堅稱上山後沒有食煙，但山上平原有四個人擬似食煙，這堆人肯定有張潤衡，因被認出藍白條衫，退十萬步，你就算冇食煙，你有冇俾煙、借火俾人呢？這種行為在煙民極普遍，冇火、冇煙，何來有山火？

正所謂：「我不殺伯仁，伯仁卻因我而死」雖然沒有直接殺人，卻難逃殺人嘅責任及悔疚。唯一可証明張潤衡嘅李雋文卻不敢出來，書面表達含糊其詞，你講出山上平原見到嘅事就可以，如果人唔係你殺你怕乜嘢？如果這件事完全跟你及張潤衡完全無關，你怕乜嘢？

（這件事有咁大疑點未解決，我不能稱呼他做：「弟兄」，這不代表他是殺人凶手，只是當日即使冇食煙，如果曾經借煙借火俾人，間接造成火災，也應終生低調生活，好像李雋文一樣。）

（張潤衡在一次公開節目說：「真相，你搵到又點啫」被指涼薄！五條人命，難道唔需要一個真相麼？張潤衡、李雋文明明知道真相，卻隱瞞事情，對死了仔女嘅父母係一個好交代麼？你今日都有仔女，你個仔女死了，可以不明不白麼？然後告訴你：真相，你搵到又點啫，佢又唔會翻生！）

（點解你可以有好生活，有的人死了仔女也不配知道真相呢？只有二人知道真相卻不還死者一個公道，仲要人接受及愛戴你麼！我都唔想未審先判，但背後隱藏甚麼？包庇甚麼人呢？是否有難言之隱呢？除非…吸煙者另有其人，正正係救人嘅老師，佢已經為自己所做嘅錯，贖了罪，犧牲了生命，如果我係佢哋，一樣會默默承受一切，將秘密帶到棺材。）

（用古代標準，趙盾未離開國境，又沒有討賊，史官寫趙盾弒君，因為趙盾既為重臣，只要未離開國境就有討伐反賊嘅責任，倘若沒有這樣做，就等同弒君。按照這標準，張有煙有火機，知道整件事但不解釋，張就是殺人真凶。）

（火機就係山火嘅關鍵。）