由於要埋數，「歪芺」（wife) 要check下我盤數，發現有大額開支，問我嗰個名係甚麼機構，我說是教會，佢驚訝奉獻額咁大，難怪牧師夫婦要請我們到佢哋家中作客，仲親手整份老早給我食…講笑詐！如果咁現實就死了！
聖經很清楚表明，要先求神嘅國及神嘅義，這些東西都要加給你們了。當我們將神嘅事擺在首，神亦將我哋嘅事擺在首位，就係咁簡單。
人係唔完全，佢會令你失望、跌倒…
眼目要定睛望著神，因為神唔會失敗，唔會令人失望，只有人令神失望。
我們雖然不過是低奴，咪喺低奴嘅層面發揮影響力，在家庭、朋友圈做好自己，作神忠心嘅管家。友人係做照顧寵物生意，冇假放，真係好慘！我哋遲些咪幫佢哋頂幾日，等佢哋可以同個仔去「淪噸」玩幾日，執下屎，做狗奴行街dog walk，我哋根本不在乎錢，即使嗰幾日賺嘅錢歸我哋，我都唔想做咁多，叮囑佢哋嗰幾日唔好接咁多生意，舊客應承咗冇辦法推就算。
本星期賺九皮幾，連埋期權金六千，合共十皮。記住賺錢唔好當賺，股巿有上有落，賺錢係俾你在逆巿有更大生存能力，寒冬好快來到。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言